Bas Prokurordyŋ bırınşı orynbasary T.Ǧ. Täşımbaev bastaǧan Qazaqstan Respublikasy Bas prokuraturasynyŋ delegasiiasy Amerika Qūrama Ştattaryna jūmys sapary barysynda AQŞ Ädılet departamentınıŋ basşylyǧymen, FTB jäne Düniejüzılık bank ökılderımen bırqatar kezdesu ötkızdı, dep habarlaidy "Adyrna" ūlttyq portaly Bas prokuraturanyŋ baspasöz qyzmetıne sılteme jasap.
Taraptar naqty qylmystyq ıster boiynşa yntymaqtastyqty nyǧaitu, sūrau salulardy elektrondyq formatta beru, kiberqylmyspen küres salasynda täjıribe almasu, sottalǧandardy ūstap beru jäne beru turaly şarttar jasasu mäselelerın talqylady.
Kezdesu barysynda T.Täşımbaev amerikalyq ärıptesıne biylǧy 5 mausymda Memleket basşysynyŋ Jarlyǧymen ekonomikalyq resurstardy zaŋsyz şoǧyrlandyruǧa qarsy ıs-qimyl mäselelerı jönındegı vedomstvoaralyq komissiia qūrylǧany turaly jetkızdı, onyŋ negızgı maqsattarynyŋ bırı elden zaŋsyz şyǧarylǧan qarjy qarajatyn qaitaru bolyp tabylady.
AQŞ Ädılet departamentınıŋ ökılderı qylmystyq aktivterdı ızdeuge jäne AQŞ-tan Qazaqstanǧa qaitaruǧa qoldau körsetuge daiyn ekenderıne sendırdı.Taraptar bırlesken küş-jıgermen ǧana transūlttyq ūiymdasqan qylmysqa jäne qylmystyq kırısterdı jylystatuǧa qarsy tiımdı küres jürgızuge bolady degen özara pıkırge keldı. Būdan bölek, Qazaqstan delegasiiasy Düniejüzılık Banktıŋ "StAR Initiative" (Ūrlanǧan aktivterdı qaitaru bastamasy) jobasynyŋ ökılderımen kezdestı.
Düniejüzılık bankpen Qazaqstannyŋ şetelge, onyŋ ışınde ofşorlyq iurisdiksiiaǧa şyǧarylǧan qylmystyq jolmen tabylǧan aktivterdı qaitaru boiynşa küş-jıgerın qoldau jäne yntymaqtastyqtyŋ körsetılgen baǧyty boiynşa prokurorlar men tergeuşıler üşın treningter ötkızu mäselelerı talqylandy.Bank ökılderı qazaqstandyq taraptyŋ būl bastamalaryn qoldady. Is-şara qorytyndysy boiynşa taraptar ötken dialogqa qanaǧattanuşylyq bıldırdı jäne odan ärı özara ıs-qimyl boiynşa bırlesken qadamdardy belgıledı.
"Adyrna" ūlttyq portaly
