Pýtınniń kómekshisi Maksım Oreshkın SWIFT bank júıesiniń Reseıde suranysqa ıe bolýyn toqtatý úshin qoldan kelgenniń bárin jasaıtyndaryn habarlady, dep jazady "Adyrna" ulttyq portaly.
«SWIFT-pen óte ońaı: biz oǵan qajettilik bolmaıtyndaı etip jasaımyz. Men bul týraly aıttym jáne bul qazirdiń ózinde negizgi mindet. Biz qazir syrtqy ekonomıkalyq qyzmetti barynsha yńǵaıly etýge nazar aýdaryp jatyrmyz», -dedi Oreshkın.
Esterińizge sala keteıik, mamyr aıynyń sońynda EO Reseıge qarsy altynshy sankııalar paketin kelisken bolatyn. Onyń tarmaqtarynyń biri kóptegen reseılik qarjy uıymdaryn SWIFT tólem júıesinen ajyratýdy qarastyrdy.
"Adyrna" ulttyq portaly
