Almatynyń qala mańyndaǵy aýyldarynyń birinde mektep oqýshysy úsh jasar qyzdy kóshe dárethanasynan alyp shyqty, - dep habarlaıdy "Adyrna" tilshisi Almaty oblysynyń Tótenshe jaǵdaılar departamentine silteme jasap.
Vedomstvonyń málimetinshe, oqıǵa 14 shilde kúni tańerteń Qarasaı aýdany Irgeli aýylynda bolǵan. Kelesi kúni tańerteń oqıǵa týraly Tótenshe jaǵdaılar departamentine habarlandy.
«2011 jyly týǵan bala kórshisiniń 2019 jyly týǵan qyzyn dárethana shuńqyrynan shyǵaryp alǵan. Úsh jasar qyzdyń anasynan dárethanaǵa qyzynyń qulap ketkenin bilgen bala kómekke umtylǵan.
Alǵashynda balanyń ákesi ózi tómen túsýge bel býdy, biraq qolaıly bolmaǵan soń, on jasar Álıhan kishkentaı shuńqyrǵa ózi ǵana syıatynyn túsinip, óz erkimen dárethana shuńqyryna túsedi. Balanyń aınalasyna arqan baılap alǵan balanyń ákesi ony ájethanaǵa túsirip, tez arada aldymen qyzdy, sosyn ulyn alyp shyqty», - dep habarlady TJD.
