Ákimderdiń reıtıngi jol sapasyna qarap baǵalanady

2031
Adyrna.kz Telegram

Memleket basshysynyń avtomobıl joldarynyń sapasyn jaqsartý jónindegi tapsyrmasyna sáıkes QR Indýstrııa jáne ınfraqurylymdyq damý mınıstrligi jol salasyndaǵy baqylaýdy kúsheıtýge, sondaı-aq beıindi normatıvtik aktilerdi ózektendirýge baǵyttalǵan birqatar júıeli sharalar daıyndady.

Atap aıtqanda, kólik máseleleri boıynsha zań jobasy ázirlendi, ol «Jol aktıvteri Ulttyq sapa ortalyǵy" RMK arqyly eldi mekenderdegi joldardy jóndeý sapasyna mindetti saraptama engizýdi kózdeıdi. Ol normatıvterge sáıkestikke, sondaı-aq kepildik kezeńinde aqaýlardyń paıda bolýy úshin tehnıkalyq qadaǵalaý men jobalaý uıymdarynyń ortaq jaýapkershiligin beretin bolady.

Aıta ketý kerek, búgingi tańda joldardy paıdalanýǵa bergennen keıin tehnıkalyq qadaǵalaý men jobalaý uıymdary sapasyz jobalyq sheshimder men aqaýlar anyqtalǵan jaǵdaıda jaýap bermeıdi.

Qazirgi ýaqytta zań jobasy QR Parlamenti Májilisiniń qaraýynda jatyr.

Budan basqa, mınıstrlik avtojol salasyndaǵy normatıvterdiń ózin de ózektendiredi, olardyń sany 1200-ge jýyq. Olar jumystardy júrgizýdi uıymdastyrýdy, sapany, mazmundy jáne t.b. baqylaý máselelerin retteıdi, osy qujattar boıynsha halyqaralyq tájirıbe men tehnologııalardy, sondaı-aq qazirgi zamanǵy materıaldardy qoldanýdy eskere otyryp, olardy qaıta óńdeý boıynsha jumys júrgiziledi.

QR IIDM qosymsha yntalandyrý sharasy retinde jol sapasy boıynsha oblys ákimdikteriniń reıtıngin anyqtaý ádistemesi ázirlendi. Ony jyl sońyna deıin bekitý josparlanýda.

Esterińizge sala keteıik, búgingi tańda Qazaqstanda jalpy qoldanystaǵy avtomobıl joldarynyń uzyndyǵy 157 myń shaqyrymdy quraıdy. Onyń ishinde 25 myń shaqyrym respýblıkalyq mańyzy bar jol, 71 myń shaqyrym jergilikti mańyzy bar jol jáne 61 myń shaqyrym eldi mekender kósheleriniń joly.

“Adyrna” ulttyq portaly

Pikirler