"Altyn orda" bazarynda aýyr soqqy alyp, 1 aıdan keıin kóz jumǵan 23 jastaǵy Qaınar Biláldiń ata-anasy ulynyń ólimine Talǵar aýdandyq ortalyq aýrýhanasyn kinálap otyr. Bazardaǵy janjal 14 maýsymda bolǵan, dep habarlaıdy "Adyrna" saıty Almaty.tv arnasyna silteme jasap.
Jelige tarap, jalpaq jurttyń jaǵasyn ustatqan beınejazbany 14 maýsym kúni "Altyn orda" bazaryndaǵy kýágerler túsirip alǵan. Onda aǵataılap jalynǵan jigit 2 ret aýyr soqqy alǵany anyq kórinedi. Biraq ol kezde Qaınar 500 myńnyń telefony úshin baqılyq bolamyn dep oılamaǵan da edi.
"Kómektesetindeı eshkim eshteńe túsinbeı qaldy. "Aǵataı, telefonymdy ber" dep jalynyp jatyr. Onyń qolynda pyshaq boldy ǵoı. Qyzdar kómektesti", – dedi kýáger.
Basyna tıgen aýyr soqqydan aýrýhanada kóz jumǵan jas jigitti jaqyndary 11 shildede aqtyq saparǵa attandyrdy. Týystary kisi ólimine sebepker bolǵan kúdiktige qatań jaza qoldanýdy talap etip otyr.
"Munda belgili júıe bar sekildi. Aldymen kúıeýime balaly áıel kelip, telefondy qaıda satýǵa bolatynyn aıtqan. Qaınar sol kezde-aq bir shıkilikti sezgenin aıtty, biraq telefonyn satpaq bolǵan. “Altyn ordada" kútken. Eki jigit kelip, kóremin dep uıaly telefonyn alǵan. Bermeı, urǵan ǵoı", – dedi marqumnyń jary Shynar Dáýletqyzy.
Qaskóıdiń qolynan qaza bolǵan Qaınardyń qara shańyraǵy qańyrap tur. Onyń artynda anasy men jary qaldy. Marqumnyń anasy 6 kún boıy aýrýhanada jatqan ulyna der kezinde durys em jasalǵanda tiri qalar edi deıdi. Ol "Basyndaǵy uıyǵan qandy o basta alyp tastaýǵa bolatyn edi ǵoı" dep qynjylady.
"Talǵardyń dárigerlerine aıtar shaǵymym bar. Balamdy durys qaramady. Esiktiń aldyndaǵy ıtińdi de sylap-sıpaısyńdar ǵoı, sonda balam ıt qurly bolmady ma? Ábden bes-alty kún bolǵannan keıin ózge dárigerge jibergen. Qalaǵa alyp barý úshin jedel járdem kóligin de usynbady. Tek aýrýdy basatyn dári sala berdi, biraq ota taǵaıyndamady", – dedi marqumnyń anasy Pátigúl Muzartbekqyzy.
Asyraýshysynan aırylǵan ananyń aryzyn estigen aq halattylar 6 kúnde jaǵdaıy qanaǵattanarlyq bolǵan soń, oblystyq aýrýhanaǵa jóneltýdi jón sanadyq degen jaýap berdi.
"Kelgen kezde jaǵdaıy ortasha aýyr boldy. Sol jaq bet súıekteriniń synýy dıagnozymen jatqyzylǵan. 14 maýsymnan 20 maýsymǵa deıin 6 kún osynda travmotologııada jatyp, jaǵdaıy qanaǵattanarlyq bolǵasyn kelisilip, oblystyq aýrýhanada ota jasaýǵa aýystyrylǵan", – dedi Talǵar aýdandyq ortalyq aýrýhanasy bas dárigeriniń emdeý isi boıynsha orynbasary Baqyt Jámekov.
Baqyt Jámekovtyń aıtýynsha, Talǵardaǵy aýrýhanada ota jasaýǵa sebep bolmaǵan.
"Ota jasaýǵa sol kezde kórsetkish bolǵan joq. Birinshiden, men ondaı eshqandaı pikir bere almaımyn. Ony bizge beretin quzyrly organdar bar, sot-medıınalyq saraptama bar", – dep qosty Baqyt Jámekov.
Al aýyr soqqyǵa jyǵyp óltirdi dep kúdikke ilingen Jambyl oblysynyń 28 jastaǵy azamaty qamaýǵa alyndy. Almaty oblystyq polıııa departamentiniń dereginshe, ol jedel izdestirý jumystarynyń nátıjesinde ustalǵan. Marqumnyń otbasy quzyrly organdar isti ádil tergese eken deıdi.
Eske salaıyq, buǵan deıin Almaty oblysyndaǵy "Altyn Orda" bazarynda er adam telefonyn qaıtarmaq bolǵan jigitti uryp tastaǵan edi. Alaıda alǵan soqqylardan keıin jigit aýrýhanaǵa túsip, 8 shildede jan tapsyrǵan.
