Ǵun ımperııasynyń 2230, 2231 jyldyǵy, Mońǵol ımperııasy ornaýynyń 815, 816 jyldyǵy, Ult azattyq qozǵalysynyń 110, 111 jyldyǵy jáne Halyq revolıýııasynyń 99 jyldyǵyna oraı Mońǵolııada Ulttyq mereke uıymdastyryldy. Halyq revolıýııasynyń 100, 101 jyldyǵy Mońǵolııanyń Ulttyq merekesine oraı beleń alǵan kúres oıyndary da óz máresine jetti, dep habarlaıdy "Adyrna" portaly.
Baıan-Ólgıı aımaǵynyń týmasy Memlekettik nachın (qaz. lashyn) Serik Berdimuratuly kúrestiń 7 kezeńinde memlekettik zaan Dorjıın Anardy jyǵyp, memlekettik «zaan» ıaǵnı memlekettik pil dárejeli palýan ataǵyna ıe boldy.
Serik Berdimuratuly jasyl alańda E.Sýmıaabat (6 kezeń), .Tómórooj (5 kezeń), P.Davaadorj (4 kezeń), Sh.Chıntýlga (3 kezeń), B.Ólzıısaıhan (2 kezeń), E.Dashzeveg (1 kezeń) qatarly paýlandardy aıqyn basymdyqpen utty.
8 kezeńde memlekettik avarga (qaz. chempıon) dárejeli palýan Namsraıjav Batsýýrdan utylyp qaldy.
Esterińizge salsaq, Serik Berdimuratuly 1994 jyly týǵan. Salmaǵy 110 keli. 2011 jyly aımaqtyq pil dárejeli palýan, 2013 jyly aımaqtyq arystan dárejeli palýan, 2017 jyly memlekettik lashyn dárejeli palýan atanǵan bolatyn.
"Adyrna" ulttyq portaly
