Áleýmettik jelilerde depressııa belgilerin anyqtaıtyn pılottyq joba iske qosylmaq. Bul týraly QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń kezekti otyrysynda aıtyldy, dep jazady "Adyrna" ulttyq portaly.
Kún tártibindegi negizgi máselelerdiń biri kámeletke tolmaǵandar arasynda sýııdtiń aldyn alý sharalary boldy.
Otyrysty ashqan Ulttyq komıssııanyń tóraıymy, Prezıdent Ákimshiligi Basshysynyń orynbasary Aıda Balaeva balalar men jasóspirimder arasyndaǵy sýııd máselesi búgingi kúni qoǵamymyzdyń eń ózekti áleýmettik problemalarynyń biri bolyp otyrǵanyn atap ótti. Bul óz kezeginde aldyn alý sharalary keshenin qalyptastyrýdyń jańa tásilderin izdeýdi, sondaı-aq ýákiletti organdardyń balalar sýııdiniń aldyn alýǵa baǵyttalǵan is-qımyldaryndaǵy problemalyq aımaqtardy anyqtaýdy jáne sheshýdi talap etedi.
Otyrysta Memleket basshysynyń tapsyrmasy aıasynda alǵash ret Balany qýdalaýdyń (býllıngtiń) aldyn alý qaǵıdalary ázirlenip, Internet jelisindegi zańsyz kontentke qarsy is-qımyl jónindegi normalar engizilgeni atap ótildi. Balalar amandyǵynyń ındeksi qabyldandy, ol balalardyń quqyqtary men múddelerine, onyń ishinde psıhologııalyq saýlyǵyna júıeli monıtorıng júrgizýge múmkindik beredi.
Bas prokýrordyń orynbasary J.Ómirálıev óz baıandamasynda kámeletke tolmaǵandardyń sýııdteri jónindegi isterdi tergeýdi qadaǵalaý kúsheıtilgenin atap ótti. Bul 2022 j. birinshi jarty jylynda óz-ózine qol jumsaý jaǵdaılarynyń (38,1%-ǵa) jáne olardyń áreketteriniń (5,7%-ǵa) tómendeýine yqpal etken. 2021 jyldyń qorytyndysy boıynsha kámeletke tolmaǵandar arasynda sýııd jasaý men ony jasaýǵa árekettený jaǵdaılarynyń 21,5%-ǵa óskeni baıqalǵan.
Kóptegen sarapshylardyń pikirinshe, sýııdtiń ósýine psıhologtardyń, táýekel tobyndaǵy balalarmen jumys jasaıtyn mamandardyń biliktiligi men daıyndyq deńgeıiniń jetkiliksizdigi yqpal etedi.
Osyǵan baılanysty Oqý-aǵartý mınıstrligi memlekettik organdardyń, jergilikti atqarýshy organdardyń jáne barlyq steıkholderlerdiń problemalardy sheshýdegi kúsh-jigerin biriktirýdi usyndy. «Mınıstrlik áleýmettik jelilerdiń ashyq jarııalanymdarynda depressııanyń belgilerin anyqtaıtyn jasandy ıntellektini paıdalanatyn pılottyq jobany iske qosýdy josparlap otyr», - dep atap ótti Oqý-aǵartý vıe-mınıstri Ǵ.Beısembaev.
Otyrys barysynda Ishki ister mınıstrligi Ákimshilik polıııa komıtetiniń tóraǵasy A.Arystanov bilim berý uıymdarynda kámeletke tolmaǵandar arasynda sýııdtik kórinisterdi erte anyqtaý ádistemesin jetildirýdi, sondaı-aq sýııdologtardyń sanyn arttyrý máselesin qarastyrýdy usyndy.
Ulttyq komıssııanyń múshesi, advokat, quqyq qorǵaýshy, «AU» onlaın-quqyqtyq mektebiniń negizin qalaýshy A.Omarova bastaýysh synyptardan balalar úshin «Meniń qaýipsizdigim» pánin, al ata-analar men muǵalimder úshin arnaıy baǵdarlamalar engizýdi usyndy.
Sondaı-aq, spıkerler dıagnostıkalyq jáne psıhoterapııalyq qyzmetter kórsetetin medıınalyq kabınetter jelisin keńeıtýdi, jergilikti atqarýshy organdarǵa bilim berý uıymdarynyń qyzmetin baǵalaýdyń krıterıılerin psıhologtardyń tıimdi qyzmetine áser etetindeı etip qaıta qaraýdy usyndy. Otyrys sońynda Ulttyq komıssııa tóraıymy A.Balaeva memlekettik organdarǵa birqatar tapsyrmalar berdi.
"Adyrna" ulttyq portaly
