Nurlan Nyǵmatýlınniń uly ustaldy - BAQ

5973
Adyrna.kz Telegram

Tarazda UQK ortalyq apparatynyń qyzmetkerleri Májilistiń eks-spıkeri Nurlan Nyǵmatýlınniń uly Nurhan Nurlanovty ustady. Bul týraly Orda.kz habarlady, dep jazady "Adyrna" ulttyq portaly.

Eks-spıkerdiń ulynyń ustalýy týraly mán-jaı anyqtalyp jatyr.

Aıta keteıik, Nurhan Nurlanov «Qazfosfat» JShS basshysy.

P.S. «Qazfosfat» zaýytynyń dırektory Nurhan Nurlanov Orda.kz redakııasyna habarlasyp, Tarazdaǵy úıinde ekenin, keńsesinde tintý júrgizilmegenin, qamaýǵa alynbaǵanyn aıtty. Tótenshe jaǵdaılar departamenti men qala, oblys ákimdikteriniń ókilderimen birge zaýyttaǵy shuǵyl jınalysta orynbasarlary bolǵanyn, óziniń «nusqaý berip» zaýyttan shyǵyp ketkenin aıtty. Nurlanov jáne «Kaz Chemicals» basqarma tóraǵasynyń orynbasary Igor Zavıalov kásiporyndaǵy shyǵaryndylardyń sebebi týraly túsinik berýden bas tartty. «Bul máselemen komıssııa aınalysady. Tótenshe jaǵdaıdyń sebepteri anyqtalǵannan keıin resmı baspasóz málimdemesi jarııalanady» dep jaýap berdi.

Eske salsaq, Tarazdaǵy «Qazfosfat» zaýytynda apat bolǵan. Bul týraly oblys ákimdiginde habarlandy. Olar aýada «ftorıdti qosylystardyń azdap artqanyn» atap ótti.

«11 shildede, saǵat 20:30-da Taraz qalasyndaǵy «Qazfosfat mıneraldy tyńaıtqyshtar» JShS zaýytynda apat boldy. Ekologııa departamenti qala prokýratýrasymen birge SQA shekarasynda zııandy zattardy ólsheýge shyqty. Ftorly sýtektiń artýy 2-3 ese, ammıaktyń, kúkirtsýtektiń, SO2-niń artýy anyqtalǵan joq. Osydan keıin top Shaıquryqqa qala shekarasyna qaraı bet aldy, óıtkeni jel sol baǵytta júrdi. Shaıquryqta barlyq kórsetkishter boıynsha normadan asý anyqtalǵan joq. Bul jaǵdaı toptyń baqylaýynda, nátıjeleri týraly qosymsha habarlanatyn bolady» delingen habarlamada.

"Adyrna" ulttyq portaly 

Pikirler