Qazaqstanda Balalar jylynda balalardy arnaiy psihologiialyq-pedagogikalyq qoldaumen qamtu 40%-dan asa körsetkışke artty.
Būǧan psihologiialyq-medisinalyq-pedagogikalyq konsultasiialar (PMPK), psihologiialyq-pedagogikalyq tüzetu kabinetterı (PPTK), oŋaltu ortalyqtary men logopediialyq ortalyqtar jelısın keŋeitu yqpal etıp jatyr.
Byltyr ortalyqtarǧa 30 myŋ bala barsa, biyl olardyŋ sany 53 myŋǧa deiın artyp otyr.
Qoldanystaǧy PMPK-lardy keŋeitu jäne jaŋalaryn aşudyŋ arqasynda arnaiy psihologiialyq-pedagogikalyq qoldaumen qamtudy arttyru mümkın boldy. Mysaly, byltyr elımızde 10 psihologiialyq-pedagogikalyq tüzetu kabinetı aşylǧan bolatyn. Endı respublikadaǧy PPTK-nyŋ jalpy sany 211-ge jettı.
«Memleket basşysynyŋ tapsyrmasy boiynşa balanyŋ damuyndaǧy problemalardy erte anyqtau jäne tüzetu üşın qosymşa jaǧdailar jasalyp jatyr. Ol üşın qazır psihologiialyq-medisinalyq-pedagogikalyq konsultasiialar, psihologiialyq-pedagogikalyq tüzetu kabinetterı, oŋaltu ortalyqtarynyŋ sany artyp keledı», - dep aitty Arnaiy jäne inkliuzivtı bılım berudı damytudyŋ ūlttyq ǧylymi-praktikalyq ortalyǧynyŋ direktory Äigerım Küderinova.
QR Oqu-aǧartu ministrlıgınıŋ baspasöz qyzmetı
