Ótkende Toqaevtyń Peterbýrgtegi sózin qoıylym dep otyrǵandar, búgingi KTK-ni jaýyp tastaǵanyna saýap bolypty dep jatyr. Bularǵa ne kerek ekenin túsinbedim...
Negizi nıeti durys emes adamdar. Aıtsa qoıylym deıdi, aıtpasa, mebel, tomar deıdi. Meıli, desin. Daýym joq.
Bulardyń KTK magıstral jelisin úzip tastaǵanyna saýap bolypty degenine tań qalyp otyrmyn. Elge dushpandyq nıettegi sóz bul.
Toqaevtyń Peterbýrgtegi sózi qoıylym emes. Eger qoıylym bolsa, KTK-ny úzip tastamas edi. KTK bizdiń ártaraptanbaǵan, tek qana shıkizat kózine baılanyp turǵan ekonomıkamyzdyń rychagi.
Toqaevtyń sózinen keıin Reseıdiń tarapynan Qazaqstanǵa qarsy talaı quıturqy áreketter oryn aldy.
Munaıdy eksporttaý máselesi óte kúrdeli dúnıe. Jýyq arada ózge jolmen sheshile qoımaıdy. Eksport toqtap turǵanda, talaı qondyrǵylar men uńǵymalar jumysynyń rejımi buzylyp, san túrli qıyndyqtar týyndaıdy. Aıqaıdyń kókesi sonda bolady. Daıyn uńǵymalardyń jumys rejımi buzylsa, ónimdiligine de, eksportqa da zııany tıedi.
Jýyq arada jumys toqtap, munaıshylar ereýildetse, kim jaýap beredi?
Biz feısbýkte tek qana sóıleı alamyz.
Bekbolat QARJAN
