"Qańtar oqıǵasy" Qaırat Satybaldy, Dıkıı Arman jáne Kárim Másimov tarapynan maqsatty túrde uıymdastyryldy. Bul pikirdi belgili advokat Abzal Quspan "Suraýy bar" YouTube arnasyna bergen suhbatynda aıtty, dep jazady "Adyrna" ulttyq portaly.
"Otbasy músheleri, sonyń ishinde dál qazir qamaýda jatqan Qaırat Satybaldydan bastap eń negizgi tulǵa sol. "entrovoı fıgýra" deıdi ǵoı. Onyń komandasy myqty ekenin bilemiz. Ulttyq qaýipsizdik komıtetiniń ókilderi bar, "Dıkıı" Arman bar. Dıkıı Armannyń UQK-men baılanysy bar ekenin "Qańtar oqıǵasy" bolmaı-aq 2021 jyldyń qarashasynda ashyq aıtqanbyz. Ol — qoldan jasalǵan "batyr" edi ǵoı. Eshqandaı da vor v zakone emes, arnaıy bir qylmys áleminiń zańyna sáıkes qylmys áleminiń serkesi emes , — deıdi advokat.
Advokattyń aıtýynsha, Qaırat Satybaldy bastaǵan top Toqaevtyń qolynda shoǵyrlanyp qalýdan qatty qoryqty.
"Bulardyń tarapynan maqsatty túrde uıymdastyrylǵan dep aıtýǵa bolady. Tolyq negiz bar. Osy armııa daıyn turdy. Olar shyn máninde de Toqaevtyń bılikte bara-bara legalızaııasy júzege asyp ketetinen qatty qaýiptendi. Qalaı bolǵan jaǵdaıda da birinshi prezıdenttiń jasy keldi. Ol kez-kelgen ýaqytta, kez-kelgen sátte "bir aıaǵy myna jaqta bolsa, bir aıaǵy ana jaqta" ketip qalýy múmkin. Ol endi tabıǵattyń zańy ǵoı. Sol kezde Toqaev resmı túrde bılikte qalyp qoıady degen qaýip boldy. Sondyqtan olar daıyn otyrdy. Oǵan qatysty óte kóp derekter bar", — deıdi Abzal Quspan.
Abzal Quspannyń sózinshe, "Qańtar oqıǵasyna" Qaırat Satybaldy men Dıkıı Armannan bólek Kárim Másimovtiń de tikeleı qatysy bar.
"Kárim Másimov otbasyǵa sendi. Otbasynyń belgili bir múshelerine stavka qoıdy. Sonyń ishinde Qaırat Satybaldyǵa stavka qoıdy. Otbasyda basqa da músheler bar ǵoı. Qyzdary bar, kúıeý balalary bar. Solardyń ishinde biraq áldeqaıda myqtylary sol Qaırat Satybaldy bastaǵan top qoı", - deıdi advokat.
"Adyrna" ulttyq portaly
