"Jeke kúshter ózderiniń paıdakúnemdik maqsattary úshin "konstıtýııalyq reformamen kelispeımiz" degen jeleýmen Ózbekstandaǵy jaǵdaıdy shaıqaltyp, turaqsyzdandyrýǵa tyrysýda". Ózbekstan Prezıdenti Shavkat Mırzııoev Qaraqalpaqstandaǵy oqıǵalarǵa baılanysty jasaǵan úndeýinde osylaı dedi, dep jazady "Adyrna" ulttyq portaly.
Onyń aıtýynsha, konstıtýııalyq reforma eldiń odan ári qoǵamdyq-saıası jáne áleýmettik-ekonomıkalyq damýyn, azamattardyń quqyqtary men bostandyqtaryn qamtamasyz etýdi kózdep otyr.
"Demokratııalyq qaǵıdattar men quqyqtyq normalar negizinde azamattardyń erkin túrde pikirin bildirýi úshin jasalǵan jaǵdaılarǵa qaramastan, jeke kúshter agressııa men zorlyq - zombylyq jolyn tańdap, ózderiniń paıdakúnemdik maqsattary úshin "konstıtýııalyq reformamen kelispeımiz" degen jeleýmen Ózbekstandaǵy jaǵdaıdy shaıqaltyp, turaqsyzdandyrýǵa tyrysýda".- deıdi Ózbekstan basshysy.
Mırzııoev destrýktıvti kúshter jalǵan aqparat taratýdyń dáleldengen tehnologııalaryn, áleýmettik jelilerdiń múmkindikterin paıdalana otyryp, azamattardy konstıtýııaǵa qarsy áreketterge maqsatty túrde tartady dep sanaıdy.
"Olardyń basty maqsaty – qoǵamdy jikke bólý, memlekettiń júrgizip jatqan syndarly saıasatyna degen senimdi azaıtý, Ózbekstannyń aýmaqtyq tutastyǵyna nuqsan keltirý. Alaıda Qaraqalpaqstanda júzege asyrylyp jatqan oń ózgerister jedel qarqynmen jalǵasatyn bolady", - deıdi Mırzııoev.
Ózbekstan prezıdentiniń málimdeýinshe, separatızmge, jappaı tártipsizdikterge, bılik organdaryna qarsy kúsh kórsetýge shaqyrý áreketi qoldanystaǵy zańnamaǵa sáıkes qatań túrde toqtatylyp, kináliler jazaǵa tartylady.
"Adyrna" ulttyq portaly
