Resei Premer-Ministrı Mihail Mişustin Qazaqstannyŋ orys tılıne degen ūqypty közqarasyn atap öttı. Onyŋ aituynşa, būl elderge ıskerlık jäne mädeni bailanystardy ornatuǧa kömektesedı, dep jazady "Adyrna" ūlttyq portaly.
"Qazaqstannyŋ resmi märtebege ie orys tılıne degen ūqypty közqarasyn atap ötkım keledı. Būl bızdıŋ azamattarymyzdyŋ erkın aralasuyna, ıskerlık qarym-qatynas ornatuǧa jäne mädenietaralyq bailanys ornatuǧa mümkındık beredı", - dedı Resei premer-ministrı düisenbı künı QR Premer-Ministrı Älihan Smaiylovpen kelıssözder barysynda.Mişustin ekı eldıŋ öŋıraralyq özara ıs-qimylynyŋ belsendı damuyna nazar audaryp, küzde Orynborda saudadaǧy infraqūrylymdyq şekteulerdı alyp tastau taqyrybyna arnalǧan Resei men Qazaqstan öŋıraralyq yntymaqtastyǧynyŋ kezektı forumy ötetının eske saldy.
Premer sondai-aq, taraptar mädeni-gumanitarlyq özara ıs-qimylǧa erekşe män beretının, Qazaqstanda reseilık joǧary oqu oryndarynyŋ filialdaryn aşuǧa daiyndyq jürıp jatqanyn atap öttı.Sonymen qatar, RF Ükımetınıŋ basşysy EAEO aiasyndaǧy, sonyŋ ışınde qarjy jäne sauda salasyndaǧy Resei men Qazaqstannyŋ köpjaqty bailanystaryn atap öttı.
"Adyrna" ūlttyq portaly
