Roza Rymbaeva nege ókpeledi?

2484
Adyrna.kz Telegram

Belgili ánshi Roza Rymbaeva sońǵy bes jylda úkimettik konertterge shaqyrylmaı júrgenin málim etken edi. Mádenıet jáne sport mınıstrligi "Qazaqkonert" memlekettik uıymynyń shtattaǵy ánshisiniń osy sózine qatysty túsinikteme berdi, dep habarlaıdy Sputnik Qazaqstan.

"Keńestik jáne qazaq estrada ánshisi, professor, aktrısa, Qazaqstannyń halyq ártisi, halyqaralyq konkýrstardyń laýreaty, qurmet jáne parasat ordenderi men marapattyń ıegeri Roza Qýanyshqyzy Rymbaeva mádenıet jáne sport mınıstrliginiń qoldaýymen jáne uıymdastyrýymen ótken is-sharalarǵa jıi qatysyp, óz ónerimen halyqtyń qoshemetine bólenip júr dep tolyqtaı aıtýǵa negiz bar. Memlekettik is-sharalarda, atap aıtqanda, "Evrazııa" odaǵynyń ashylýyna oraı ótken gala-konertte Reseıdiń halyq ártisi Iosıf Kobzonmen birigip dýet oryndady jáne QR Táýelsizdiginiń 25 jyldyǵyna oraı uıymdastyrylǵan konertte Qazaqstannyń halyq ártisi Álibek Dinishev, QR Eńbek sińirgen qaıratkeri Bekbolat Tileýhanmen birge birigip sahnada óner kórsetti", — deıdi mınıstrliktiń baspasóz qyzmeti.

Sonymen qatar, Roza Rymbaeva "Qazaqkonert" memlekettik uıymynyń atynan 2018 jyldyń basynan gastroldik saparlarmen oblystardy aralaǵan.

Budan bólek, mınıstrlik halyq ártisiniń Astananyń 20 jyldyq mereıtoıyna oraı Mádenıet jáne sport mınıstrliginiń uıymdastyrýymen 15-16 maýsym aralyǵynda ótken "Voice of Astana" halyqaralyq konkýrsy aıasynda Batyrhan Shúkenovti eske alý keshinde óner kórsetkenin de  eske salypty.

Al aldaǵy ýaqytta Rymbaeva Konstıtýııa kúnine jáne Táýelsizdiktiń 26 jyldyq mereıtoıyna oraı uıymdastyrylatyn gala-konertke qatysady dep josparlanǵan eken.

"Mádenıet jáne sport mınıstri Arystanbek Muhamedıuly Roza Rymbaevanyń ónerine erekshe qarap, repertýaryndaǵy kóptegen ánderin súıip tyńdaıdy. Sonymen birge, aldaǵy ýaqytta da kıeli qazaq sahnasynyń tórinde Roza Qýanyshqyzynyń ónerin tamashalyǵysy keletinin jáne qazaqtyń ónerin álemge tanytqan ánshige tek qana shyǵarmashylyq shabyt pen tabystar tileıtinin jetkizdi", — dep atap ótti baspasóz qyzmeti.

Aıta keteıik, búgin Astanada ótken baspasóz máslıhatynda Roza Rymbaeva Astananyń 20 jyldyǵy mereıtoıyna arnalǵan konerttik baǵdarlamalardan nege kórinbeı júrgenin túsindirgen bolatyn.

"Keıingi bes jylda men mádenıet mınıstrliginiń, prezıdenttik apparattyń birde-bir konertinde joqpyn. Meni shaqyrady, keıin qońyraý soǵyp, sizdi baǵdarlamadan alyp tastadyq dep aıtady. Osy joly da týra solaı  boldy. "A+" kompanııasy Naǵıma Esqalıeva ekeýmizdi áýeli baǵdarlamaǵa qosyp, ertesine habarlasyp, alyp tastadyq dedi. Ne úshin, ne sebepten  ekenin aıtpaıdy", — deıdi ánshi.

Rymbaeva merekelik baǵdarlamalarǵa nege shaqyrylmaı júrgenin uıymdastyrýshylardyń ózinen suraýdy usynǵan edi.

Pikirler