AQSh Polshada shtab quratyn boldy

2225
Adyrna.kz Telegram

Sársenbi kúni AQSh prezıdenti Djo Baıden Madrıdte ótken NATO sammıtinde Reseı tarapynan jasalǵan qoqan-loqyǵa jaýap retinde Amerıka qurlyqtaǵy, áýedegi jáne teńizdegi áskerı kúshin Eýropada kóbeıte túsetinin jáne Polshaǵa 5-armııasynyń shtabyn turaqtandyratynyn aıtty, dep habarlaıdy "Adyrna" ulttyq portaly "Azattyq" saıtyna silteme jasap.

- AQSh-tyń jańa áskerı kemeleri — Ispanııaǵa, joıǵysh ushaqtarynyń eskadrılıasy — Ulybrıtanııaǵa, qurǵaqtaǵy áskeri — Rýmynııaǵa, áýe qorǵanysy kúshteri — Germanııa men Italııaǵa, al túrli saladaǵy qarýly kúshteri — Baltyq elderine ornalasady, - dedi Baıden.

Onyń sózinshe, bul — Reseı Ýkraınaǵa basyp kirgen soń Eýropadaǵy qaýipsizdikti nyǵaıtý jáne NATO jeriniń árbir qadamyn qorǵaý úshin jasalady.

Qazir Eýropada AQSh-tyń 100 myńǵa jýyq áskeri bar, Reseı Ýkraınaǵa basyp kirgen soń taǵy da 20 myń qosylǵan.

AQSh-tyń Polshadaǵy áskerı shtaby NATO-nyń shyǵys qanatyndaǵy turaqty kontıngentine aınalady. Polsha prezıdenti Andjeı Dýda Vashıngtonnyń sheshimi Polsha qaýipsizdigin nyǵaıtýǵa qosylǵan úlken úles jáne Reseıge kórsetilgen aıqyn belgi dep atady.

Reseı syrtqy ister mınıstrliniń orynbasary Sergeı Rıabkov "Vashıngton jaǵdaıdy ýshyqtyryp otyr" dep aıyptap, qarsy shara qolǵa alynatynyn málimdedi.

Sammıt kezinde Baıden Túrkııa prezıdenti Erdoǵanmen de kezdesti. Baıden Shveııa men Fınlıandııanyń NATO-ǵa kirgenine qarsy bolmaı, ortaq kelisimge kelgeni úshin Erdoǵanǵa alǵys aıtty. Vashıngton buǵan deıin bul daýǵa baılanysty Túrkııaǵa eshbir qysym jasamaǵanyn jáne eshnárse ýáde bermegenin málimdegen. Osy sammıtte vıdeo baılanyspen sóılegen Ýkraına prezıdenti Vladımır Zelenskıı NATO-dan kútetin naqty kómekterin atady.

 

"Adyrna" ulttyq portaly.

Pikirler