Pavlodar qalasynda jańa qazaq tildi mektep-lıeıi boı kóterdi. Qazir oqýshylar qabyldanýda. Jańa oqý jylynan esigi aıqara ashylady. Bul týraly keshe, Pavlodar oblysynyń ákimi Ábilqaıyr Sqaqov respýblıkalyq BAQ ókilderine bergen brıfıngi barysynda málim etti.
Ertis-Baıan óńirinde jyl sanap qazaq tildi mektepterge degen suranys artyp keledi. Resmı statıstıkaǵa júginsek, búginde oblys boıynsha barlyǵy 359 mektep bolsa, onyń 138-i, ıaǵnı 39%-ynyń oqytý tili – qazaq tili. Sońǵy bes jylda memlekettik tilde bilim beretin mektepterdiń qatary artqan. Sonyń ishinde tórt aralas mektep tolyǵymen qazaq tiline aýysty.
Endi mine, bul tizim taǵy bir sý jańa bilim ordasymen tolyqpaq. Pavlodar qalasynda jańadan salynǵan «Saryarqa» shaǵyn aýdanynda oryn tepken mektep tusaýy bıyl kúzde kesiletin boldy. Bul oblys ortalyǵyndaǵy lıeı dárejesi bar alǵashqy qazaq tildi mektep bolmaq.
«Mektep qurylysy tolyǵymen aıaqtaldy. Munda bir aýysymda 650 oqýshy bilim alatyn bolady. Nysan aldaǵy jańa oqý jylynan bastap resmı túrde jumysyn bastaıdy. Qazir oqýshylardy tirkeý boıynsha tıisti ótinishter qabyldanýda. Áleýmettik, bilim salasyna jaýapty mamandar tıisti taldaý júrgizdi. Suranysqa oraı bul mektepte memlekettik tilde bilim berýletin bolady», - dedi aımaq basshysy Á.Sqaqov respýblıkalyq ortalyq kommýnıkaııalar qyzmetinde sóılegen sózinde.
Qazaq tildi mektepterge degen suranystyń artqanyn Pavlodar oblysynyń bilim berý basqarmasyndaǵylar keltirgen myna bir mysaldan aıqyn baıqaýǵa bolady. Pavlodar qalasynda Baýyrjan Momyshuly atyndaǵy bilim ordasynda 700-ge jýyq oqýshy artyq oqıdy. Iaǵnı, júkteme tym joǵary. Mekteptiń úsh aýysymǵa ótý qaýpi týyndaýda. Bul ondaǵy bilim sapasyna, sanıtarlyq jaǵdaıǵa keri áserin tıgizeri sózsiz. Sondyqtan atalǵan bilim berý ordasynyń biraz oqýshylary ata-analardyń kelisimi boıynsha «Saryarqa» shaǵyn aýdanyndaǵy jańadan boı kótergen lıeı-mektebine aýystyrylmaq. Bul eki mektep bir-birine jaqyn ornalastyrylǵan.
