Ýkraınanyń Kremenchýg qalasyndaǵy saýda ortalyǵy zymyranmen atqylandy. Bul týraly jergilikti oblystyq áskerı ákimshiliktiń basshysy Dmıtrıı Lýnın aıtty, dep habarlaıdy «Adyrna» tilshisi.
Soqqy saldarynan kem degende 18 adam qaza taýyp, 59 adam jaraqat alǵan.
Ýkraına bıliginiń málimdeýinshe, shabýyldy Reseı áskerı kúshteri jasaǵan. Zymyran «Amstor» saýda ortalyǵyna qulady. Ol órttiń saldarynan tolyǵymen janyp ketti.
«Bul shabýyl Eýropa tarıhynda bolǵan eń sumdyq terrorlyq áreket boldy. Saýda ortalyǵynda áıelder men balalar júrgen edi. Áýe dabyly jarııalanbas buryn onda myńǵa jýyq adam boldy. Abyroı bolǵanda, kóbi qutqarylyp, aman qaldy»,— dedi Vladımır Zelenskıı.
