Depýtat Qazybek Isa qazaq tilinde qyzmet kórsetýden bas tartqan qonaq úıdi synǵa aldy, dep habarlaıdy «Adyrna» tilshisi.
Aıtýynsha, Almaty qalasynda ornalasqan «Rahat Palace Hotel» sheteldikterdi qonaq úıge ornalastyrýǵa alyp kelgen azamatqa memlekettik tilde qyzmet kórsete almaıtynyn jetkizgen.
«Táýelsiz bolǵanymyzǵa 30 jyldan assa da, memlekettik til týraly zań joq áli kúnge deıin joq. Basqa Keńes odaǵynan egemendik alǵan eldiń bári «Memlekettik til týraly zań» qabyldap, ulttyq namysty aıqyndaıtyn máseleni baıaǵyda durys sheship alǵan. Memleket basshysynan bastap, barlyǵymyz ana tilimizdi qorlatpaýymyz kerek! Qorǵaýymyz kerek! Men Almatyǵa endi barǵanda eshqandaı jumysym bolmasa da, mindetti túrde osy jerge baryp, bul qyzmetkermen (qonaq úı ákimshiligi shara qabyldap, jumystan shyǵaryp jibermese) memlekettik tilde sóılesemin!»— dedi ol.
