Búgin Nur-Sultan qalasynda Halyqaralyq Túrki akademııasy Ǵylymı keńesiniń kezekti V otyrysy ótti.
Alqaly jıynǵa Túrki memleketter uıymynyń Bas hatshysy Baǵdat Ámireev, Halyqaralyq Túrki akademııasynyń basshysy Darhan Qydyráli, Ázerbaıjan Respýblıkasynyń Bilim mınıstri Emın Amrýllaev, Qazaqstan Respýblıkasynyń Oqý-aǵartý mınıstri Ashat Aımaǵambetov, Qazaqstan Respýblıkasyń Ǵylym jáne joǵarǵy oqý mınıstri Saıasat Nurbek, Qyrǵyz Respýblıkasynyń Bilim jáne ǵylym mınıstri Almazbek Beıshenalıev, Ózbekstan Respýblıkasynyń Qazaqstandaǵy Elshisi Saıdıkram Nııazhodjaev, sonymen qatar Ázerbaıjan Respýblıkasynyń Qazaqstandaǵy Tótenshe jáne Ókiletti elshisi Aǵalar Atamoǵlanov, Respýblıkasynyń Qazaqstandaǵy Tótenshe jáne Ókiletti Elshisi Dastan Dıýshekeev, Túrki memleketteri uıymy Aqsaqaldar keńesiniń múshesi Ikram Adyrbekov, Majarstan men Túrkııa elshiliginiń dıplomattary qatysty.
Jıynda Akademııa basshysy 2021 jyly atqarylǵan jumystardyń esebin berip, 2022 jyldyń jumys josparymen tanystyrdy.
Basqosý barysynda Túrkııa tarapy Halyqaralyq Túrki akademııasy Ǵylymı keńesine tóraǵalyq mindetin Qazaqstanǵa tabystady. Atqarylǵan jumystarǵa joǵary baǵa bergen Ǵylymı keńes músheleri Akademııanyń 2022 jylǵy jumys josparyn bekitip, kelesi otyrystyń orny men ýaqyty jóninde ýaǵdalasty.
Qazaqstannyń Ǵylym jáne joǵarǵy oqý mınıstri Saıasat Nurbek tóraǵalyq etken Keńes músheleri birqatar máseleler boıynsha naqty sheshimder qabyldady. Atap aıtqanda, túrki áleminiń mereıli datalar tizimi, ortaq oqýlyqtar, bilim jáne ǵylym salasyndaǵy yntymaqtastyq máseleleri, ǵylymı-zertteý jobalary talqylanyp, basym baǵyttary maquldandy.
Aıta ketý kerek, 2022 jylǵy Túrki áleminiń aıtýly datalary qatarynda ult ustazy Ahmet Baıtursynyń 150 jyldyǵy, Muhtar Áýezovtyń 125 jyldyǵy, ázerbaıjan aǵartýshysy Hýseın Javıdtiń 140, Ázerbaıjan ánurany sóziniń avtory Ahmed Djavadtyń 130 jyldyǵy, qyrǵyz memleket qaıratkeri Ishenaly Arabaev 140 jyldyǵy, Súleımen Chelebıdiń dúnıeden ótkenine 600 jyl tolýy, sondaı-aq basqa da tuǵyrly tulǵalar men mańyzdy oqıǵalarǵa qatysty mereıtoılar bar.
