Qyrǵyzstannyń burynǵy prezıdenti Asqar Aqaev 2005 jyly bılikten ketýge májbúr bolǵanyn bılikti synaıtyn táýelsiz gazetterdiń paıda bolǵanymen baılanystyrdy, dep habarlaıdy "Adyrna" Azattyqqa siltep.
Onyń sózinshe, Qyrǵyzstandaǵy sóz erkindigi, tipti Qazaqstan men Ózbekstan prezıdentteriniń de qytyǵyna tıgen.
Nemistiń DW basylymyna bergen suqbatynda Aqaev "áldebir syrtqy kúshter Grýzııadaǵy "qyzǵaldaqtar revolıýııasy" men Ýkraınadaǵy "sarǵylt revolıýııadan" keıin Ózbekstanda tóńkeris uıymdastyrmaq bolǵanyn, alaıda Ózbekstannan eshteńe shyǵara almaǵan soń Qyrǵyzstanǵa kóz tikkenin" aıtady.
"Qyrǵyzstan eń álsiz el bop shyqty, óıtkeni bizde erkin baspasóz bar edi. Freedom House uıymyna BAQ-qa arnalǵan tıpografııa ashýǵa ruqsat berip, eń úlken qatelik jasadym. Olarǵa barynsha erkindik berdim, sonyń arqasynda búkil táýelsiz gazetterdi basyp shyǵara bastady. Biz týraly, meniń otbasym jaıly qısynǵa kelmeıtin nebir ótirikter jazatyn gazetterdi mıllıondaǵan tırajben tegin shyǵardy", - dep eske alady burynǵy prezıdent.
Onyń sózinshe, bul tıpografııanyń jumysy kórshi elderdiń prezıdentteriniń de qytyǵyna tıgen, mysaly Qazaqstan men Ózbekstanda tyıym salynǵan oppozıııalyq basylymdar Qyrǵyzstanda basylyp, atalǵan elderge taraǵan.
"Birde Nursultan Ábishuly [Nazarbaev] telefon soǵyp: "Áı, demokrat, demokratııańdy úıińde jasaı ber, bizde neń bar? Seniń tıpografııalaryńda shyqqan gazetter meni synap jatyr!" dedi. Islam Ábdýǵanıuly da [Kárimov] sóıtip aıtty. Mine, meniń qateligim osy boldy, áıtpese ekonomıkamyzdyń tasy órge domalap turǵan bolatyn", - deıdi Aqaev.
Aqaev 1991-2005 jyldar aralyǵynda Qyrǵyzstan prezıdenti bolǵan. 2005 jyly 24 naýryzda "qyzǵaldaq revolıýııasy" kezinde otstavkaǵa ketip, Máskeýden saıası baspana alǵan.
