Eýroodaqtaǵy, tipti búkil álem boıynsha áýe bıletteri kem degende 16 paıyzǵa qymbattaýy múmkin, dep habarlaıdy "Adyrna" ulttyq portaly "Tourprom" saıtyna silteme jasap.
Bul týraly áýe sarapshylary aıtty. Olar muny Eýropalyq komıssııanyń shyǵaryndylardy azaıtý jónindegi usynysyna baılanysty bolýy múmkin.
Áńgime Fit for dep atalatyn Eýropalyq komıssııanyń sharalar paketi týraly bolyp otyr. Ol parnıktik gazdar shyǵaryndylaryn kelesi segiz jyl ishinde 1990 jylǵy deńgeıden kem degende 55 paıyzǵa azaıtýǵa baǵyttalǵan. Usynysty ACI Europe áýejaılar qaýymdastyǵy synap tastady jáne olar usynylǵan barlyq shara reısterge "olardyń áserin jan-jaqty baǵalamaı" jarııalandy dep málimdedi.
"EO usynystary tarıfterdiń aıtarlyqtaı ósýine ákeledi", - dep eskertedi áýe sarapshylary.
Nátıjesinde týrıster jańa soqqyǵa tap bolady, óıtkeni áýe bıletteriniń baǵasy kóteriledi. EO-nyń zııandy shyǵaryndylardy azaıtý shemasy 2030 jylǵa qaraı ushý qunynyń ortasha eseppen 16 paıyzǵa ósýine ákelýi múmkin, deıdi olar.
Sonymen qatar, Ispanııa, Grekııa jáne Italııa sııaqty tanymal baǵyttar eń kóp zardap shekkenderdiń qatarynda bolady. Týrıstik qyzmetterge suranys boljamdy 11 paıyzǵa tómendeıdi, deıdi zertteýshiler. Aımaqaralyq tasymaldaý da zardap shegedi. Jalpy, ACI Europe bas dırektory Olıve Iankovetiń aıtýynsha, Eýropalyq komıssııanyń usynysy "jaǵymsyz jáne kútpegen saldarǵa" qaýip tóndiredi.
«Adyrna» ulttyq portaly
