Maýsymnyń úshi kúni Almaty ákimdiginiń Kásipkerlik jáne ınovaııalar basqarmasy «Almaty halyqaralyq áýejaıy» AQ-men 182,3 mln teńge jáne Sanzheli JShS-men 15,1 mln teńge tikeleı bir kózden satyp alý tásili arqyly kelisimshart jasasty. Memsatyp alý portalyndaǵy aqparatqa qarǵanda, eki kelisimshart ta «Qańtar qyrǵyny» kezinde Qazaqstan bıliginiń shaqyrtýymen elge kirgen Ujymdyq qaýipsizdik sharty uıymynyń (UQShU) áskerine jumsalǵan shyǵyndy óteý maqsatynda jasalǵan. Bul týraly Mııat Káshibaı Telegram arnasy jazdy, dep habarlaıdy «Adyrna» tilshisi.
Eki kelisimsharttyń da tehsıpattamasynada Almaty ákimi Erbolat Dosaevtyń qaýlysy tur. Qaýlyda: «Almaty qalasy strategııa jáne bıýdjet basqarmasy Kásipkerlik jáne ınovaııalar basqarmasyna jergilikti atqarýshy organnyń shuǵyl shyǵyndarǵa arnalǵan rezervinen jalpy sommasy 197 454 551 teńge bólsin, onyń ishinde UShQU-nyń ujymdyq bitimgershilik kúshteri múshelerin tamaqtandyrý jónindegi shyǵyndy óteýge 15 127 542 teńge, sondaı-aq tótenshe jaǵdaı kezeńinde UQShU-nyń bitimgershilik operaııasyn júrgizý kezinde áýeaılaqtyq jáne jer ústinde qyzmet kórsetý boıynsha kórsetilgen qyzmetter úshin 182 327 009 teńge qarjat bólsin»,- delingen.
«Qańtar qyrǵyny» kezinde el aýmaǵyna UQShU-nyń 2 myń áskeri kirgeni belgili. Myna qaýlyǵa qaraǵanda, UQShU áskeriniń shyǵynyn Qazaqstan kótergen. Al UQShU jarǵysynyń uıymdy qarjylandyrýǵa qatysty babynda «Múshe memleketter óz ókilderi men sarapshylarynyń uıym organdarynyń keńesterine, otyrystaryna jáne uıym sheńberinde ótkiziletin basqa da is-sharalarǵa qatysýymen baılanysty, sondaı-aq ókiletti ókilderdiń qyzmetimen baılanysty shyǵyndardy derbes túrde atqarady» degen tarmaq bar. Osy tarmaqqa súıener bolsaq, Qazaqstanǵa ásker jibergen elder shyǵyndy óz moınyna alýǵa mindetti. Biraq Almaty ákimniń qaýlysyna qarasaq, UQShU áskerine ketken shyǵyndy Qazaqstan ózi kótergen.
