Qazaqstan İranǧa bır million tonna astyq jıberedı

Qazaqstan Prezidentı Qasym-Jomart Toqaevtyŋ İran İslam Respublikasyna jasaǧan sapary barysynda ekı memlekettıŋ auyl şaruaşylyǧy ministrlerı İranǧa 1 mln tonna kölemınde astyq daqyldaryn jetkızu turaly memorandumǧa qol qoidy, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap. Astyq 2022-2023 jyldaryŋ egınınen jetkızıletın bolady. Sonymen bırge, ekı el auyl şaruaşylyǧy önımderınıŋ saudasy men tranzitınde yntymaqtastyq turaly memorandumǧa qol qoidy. Qūjat şeŋberınde Qazaqstan İranǧa dändı daqyldar (bidai, arpa, jügerı), maily daqyldar (zyǧyr tūqymy), ösımdık mailary (künbaǧys maiy), konditerlık önımder, et (qoi etı, siyr etı) jäne et önımderın jetkızuge niettı. Öz kezegınde İran Qazaqstanǧa kökönıster (kartop, piiaz, säbız, qiiar), jemıster (alma, almūrt, aiva, qūrma, ınjır, Ananas), su men süt önımderın jetkızetın bolady. Aita ketu kerek, 2022 jyldyŋ qaŋtar-nauryz ailarynda QR men İİR arasyndaǧy AÖK salasyndaǧy tauar ainalymy 167,5 mln AQŞ dollaryn qūrady, būl 2021 jyldyŋ säikes kezeŋımen salystyrǧanda 45,8% artyq. Eksport 1,6 esege ösıp, 135,7 mln dollardy, al import 16,1% artyp, 31,8 mln AQŞ dollaryn qūrady.