Qazaqstan Prezıdenti Qasym-Jomart Toqaevtyń Iran Islam Respýblıkasyna jasaǵan sapary barysynda eki memlekettiń aýyl sharýashylyǵy mınıstrleri Iranǵa 1 mln tonna kóleminde astyq daqyldaryn jetkizý týraly memorandýmǵa qol qoıdy, dep habarlaıdy «Adyrna» tilshisi mınıstrliktiń baspasóz qyzmetine silteme jasap.
Astyq 2022-2023 jyldaryń egininen jetkiziletin bolady.
Sonymen birge, eki el aýyl sharýashylyǵy ónimderiniń saýdasy men tranzıtinde yntymaqtastyq týraly memorandýmǵa qol qoıdy. Qujat sheńberinde Qazaqstan Iranǵa dándi daqyldar (bıdaı, arpa, júgeri), maıly daqyldar (zyǵyr tuqymy), ósimdik maılary (kúnbaǵys maıy), kondıterlik ónimder, et (qoı eti, sıyr eti) jáne et ónimderin jetkizýge nıetti.
Óz kezeginde Iran Qazaqstanǵa kókónister (kartop, pııaz, sábiz, qııar), jemister (alma, almurt, aıva, qurma, injir, Ananas), sý men sút ónimderin jetkizetin bolady.
Aıta ketý kerek, 2022 jyldyń qańtar-naýryz aılarynda QR men IIR arasyndaǵy AÓK salasyndaǵy taýar aınalymy 167,5 mln AQSh dollaryn qurady, bul 2021 jyldyń sáıkes kezeńimen salystyrǵanda 45,8% artyq. Eksport 1,6 esege ósip, 135,7 mln dollardy, al ımport 16,1% artyp, 31,8 mln AQSh dollaryn qurady.
