Reseı memlekettik dýmasynyń depýtaty Konstantın Zatýlın Qasym-Jomart Toqaevtyń Sankt-Peterbýrgtegi ekonomıkalyq forýmnyń otyrysynda sóılegen sózine pikir bildirdi, dep habarlaıdy «Adyrna» tilshisi.
«Qazaqstannyń “DHR” men “LHR” aımaqtaryn moıyndamaıtyny Toqaevtyń málimdemesinsiz de anyq boldy. Biraq bul týraly Pýtınniń qatysýymen bolǵan otyrysta aıtqany, meniń oıymsha, durys emes. Bul qasyndaǵy prezıdentke qyr kórsetý sııaqty kórindi. Eger bizde dostyq, yntymaqtastyq jáne seriktestik bolsa, onda aýmaqtyq másele kóterilmeıdi. Al bolmasa, túrli dúnıe bolýy ǵajap emes. Máselen, Ýkraınadaǵydaı. Osyǵan nazar aýdarǵan jón»,- dedi ol.
