Qazaqstan Respýblıkasy Qarjy mınıstrliginiń Memlekettik kirister komıteti el aýmaǵynan kúnbaǵys maıyn áketýge shekteý qoıylǵanyn jarııalady, dep habarlaıdy "Adyrna" ulttyq portaly "Azattyq Ruhy"-na silteme jasap.
Aýyl sharýashylyǵy mınıstriniń buıryǵymen Qazaqstan aýmaǵynan kúnbaǵys maıyn áketýge 18 maýsymnan bastap 31 tamyzǵa deıin shekteýler engizildi.
"Kúnbaǵys maıyn Qazaqstan Respýblıkasynyń aýmaǵynan áketýge sandyq shekteýler baǵalardy turaqtandyrý jáne syrtqy naryqtarda joǵary suranysqa baılanysty naryqta tapshylyqtyń týyndaýyn boldyrmaý maqsatynda engizildi", - dep kórsetti Memlekettik kirister komıtetiniń baspasóz qyzmeti.
Joǵaryda kórsetilgen buıryqqa sáıkes kúnbaǵys maıyn Qazaqstan Respýblıkasynyń aýmaǵynan áketý Qazaqstan Respýblıkasy Aýyl sharýashylyǵy mınıstrligi Agroónerkásiptik keshendegi memlekettik ınspekııa komıtetiniń aýmaqtyq bólimshelerimen beriletin fıtosanıtarııalyq sertıfıkat bolǵan kezde ǵana júzege asyrylatyn bolady.
"Adyrna" ulttyq portaly
