Dálelsiz úkim nemese Baıanovtyń isi

1640
Adyrna.kz Telegram
Foto: time.kz
Foto: time.kz

Oral qalasynda kóptiń sózine súıene otyryp, sot jas jigitti uzaq merzimge bas bostandyǵynan aıyrdy, dep habarlaıdy "Adyrna" ulttyq portaly "kznews.kz"-ke silteme jasap.

Qylmystyq kodekstiń birneshe baby boıynsha toǵyz jylǵa bas bostandyǵynan aıyrylǵan Darhan Baıanovtyń týystary redakııaǵa júgindi.

Olardyń aıtýynsha, Baıanovqa qatysty tikeleı aıǵaq sotta usynylmaǵan, jábirlenýshilerdiń eshqaısysy ony moıyndamaıdy.  Onyń ústine sottalýshynyń qolynda "alıbı" bar.

Tergeýshilerdiń aıtýynsha, Darhan Baıanovqa 2020 jyldyń qarashasynda jáne 2021 jyldyń aqpanynda aqsha aıyrbastaý pýnktin tonap ketken qylmystyq toptyń jetekshisi boldy degen kúdik taǵylǵan.

Baıanov osydan birneshe jyl buryn aqtóbelik Qutjanov pen Hasenovpen birge jazasyn ótegen. 2020 jyldyń qarasha aıynda aqtóbelikter Oralǵa kelip, Baıanovtan páter jaldaýǵa kómektesýin ótinedi. Osydan keıin olar qaraqshylyq shabýyl jasap, sol kúni keshke Aqtóbege qaıtyp ketedi.  Bir-eki aı ótken soń olar Oralǵa qaıta oralyp, taǵy da páter jaldap berýdi suraıdy.  Alaıda Baıanovtyń qos azamattyń qylmys jasaýǵa nıettengen aram oılarynan múldem habary bolmaǵan edi. Bul joly Qutjanov pen Hasenov dúken men onda ornalasqan aqsha aıyrbastaý pýnktine qaraqshylyq shabýyl jasaıdy.

Sot barysynda Qutjanov pen Hasenov tergeý proesinen bólek, taǵy da basqa aıǵaqtar keltirdi.  Olar Baıanovtyń olardyń qylmysyna qatyspaǵanyn, tipti olar týraly bilmegenin de aıtty.

"Baıanov bizge tek páter jaldaýǵa kómektesti", — dedi aıyptalýshylar.

Eki aıyptalýshynyń da sózderiniń ózgerýi  tergeý barysynda olarǵa moraldyq jáne fızıkalyq qysym jasalǵanymen túsindirildi.  Úndeýde olardyń Aqtóbeden Oralǵa túnde jeke kólikterimen jetkizilgeni aıtylǵan.  Jolda Qutjanovty uryp-soǵyp, dene jaraqattary faktisi Oral ýaqytsha ustaý ızolıatoryna túsken kezde tirkelgen.  Hasenovty azaptap, sýyqta jalańash ustaǵan, ájethanaǵa kirgizbegen.  Nátıjesinde aýyr ýrologııalyq aýrýǵa shaldyqqan. Bul týraly sotqa da aryz túsirgen, sýdıa ony prokýratýraǵa jibergen. Alaıda prokýratýra da, sybaılas jemqorlyqqa qarsy qyzmet te bul iske kóz jumyp otyr.

"Soqqy men aýrýdy rastaıtyn barlyq qujattardy sot qylmystyq is materıaldaryna tirkedi", — deıdi Baıanovtyń advokaty Zagır Vagapov.

Qutjanov pen Hasenovtyń pikirinshe, polıııa qyzmetkerleriniń zańsyz áreketteriniń maqsaty — Baıanovqa jala jabý bolǵan.

Mundaı jaǵdaılarda dáleldemelerdi alýdyń zańsyz ádisterin boldyrmaý úshin barlyq mán-jaılardy tekserýdi talap etedi.  Osyǵan sáıkes, birinshi satydaǵy sot prokýrorǵa aıyptalýshylardyń dálelderin qaıta qarastyrýdy tapsyrdy.  Alaıda, sot óz tekserýiniń nátıjesin kútpesten, Qutjanov pen Hasenovtyń aıǵaqtaryn  jalǵan dep baǵalap, olarǵa súıenip, isti qaraýdy jalǵastyrdy.

Bul da túsinikti, sebebi sybaılastardyń alǵashqy aıǵaqtary Baıanovty aıyptaýda osynyń barlyǵyna negizdelgen.  Tergeýde onyń osy oqıǵalarǵa qatysqanyn janama túrde kórsetetin birde-bir dálel joq.

Is materıaldarynan belgili bolǵandaı, sybaılastardyń tórteýi aqsha aıyrbastaýshyny tonaǵan.  Bul iske Qutjanov, Hasenov jáne Baıanovtan basqa tergeýde  Nýrık esimdi azamattyń qatysy bar ekeni belgili boldy.  Tergeý barysynda bul iske Nýrıkti  Baıanovtyń aralastyrǵany, al sot otyrysynda Hasanov pen Qutjanov Nýrıkpen óz betinshe kezdeskenin habarlaǵany anyqtaldy.  Al aqsha aıyrbastaýshyny tonaýǵa usynys bildirgen Baıanov emes, Nýrık bolyp shyqty.

Aıyptalýshylardyń alǵashqy sózine súıensek, Baıanov qaraqshylyq ıdeıasyn kóterip, kóligin alyp kelip, qylmys barysynda júrgizýshi bolǵan.  Prokýror sotqa jarqyraǵan kólikti kórsetetin sapasyz beınejazbany usyndy.  Bul rette nómirdi nemese kólik júrgizgen adamdy aıtpaǵanda, kólik markasyn anyqtaýdyń ózi múmkin emes.

"Jazbanyń sapasy kóliktiń markasy meniń klıentimniń kóliginiń markasyna uqsas ekenin túsinýge múmkindik beredi, basqa eshteńe emes, — dep jalǵastyrdy advokat.  — Biz bul beıneni kórdik. Eshteńe anyq baıqalmaıdy.  Sonymen qatar, is materıaldaryna sáıkes, sottalýshylardyń qylmys ornyn kórsetetin basqa kameralardyń vıdeosy bar. Biraq olarda Baıanov joq. Bizde Darhan Baıanovtyń sol kezde basqa jerlerde bolǵanyn kórsetetin esep aıyrysý derekteri bar.  Ol taksı júrgizýshisi bolǵandyqtan, qalany aralap júrip, qylmys bolǵan jerge bir-eki shaqyrymnan artyq jaqyndamaǵan".

Qazir Darhan Baıanovtyń týystary men advokaty onyń isi boıynsha appelıaııalyq shaǵym ázirlep jatyr jáne bul isti jarııa etý ádilettilikti ornatýǵa septigin tıgizedi dep úmittenedi.

 

"Adyrna" ulttyq portaly.

 

Pikirler