Qasym-Jomart Toqaev Tatarstan Prezıdenti Rýstam Mınnıhanovpen kezdesti. Bul týrvly Aqorda málimdedi, dep habarlaıdy “Adyrna” ulttyq portaly.
Kezdesý barysynda Qazaqstan men Tatarstannyń saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn keńeıtý perspektıvalary dostyq rýhta talqylandy. Ekonomıkanyń mańyzdy sektorlaryndaǵy birlesken jobalardy Qazaqstan aýmaǵynda júzege asyrýǵa, elimizdiń zaýyttaryn Reseı Federaııasynyń óndiris júıesimen qatar damytýǵa basa mán berildi.
Jıynda «KAMAZ» jáne «Tatneft» kompanııalarymen birlesken jobalardy júzege asyrý barysy qaralǵan. Kezdesýge bul kompanııalardyń da basshylary qatysty.
Qasym-Jomart Toqaev Rýstam Mınnıhanovqa iltıpat bildire otyryp, óziniń Tatarstanǵa barǵan saparyn aıryqsha yqylaspen eske aldy. Onyń nátıjesi yntymaqtastyqty odan ári nyǵaıtýǵa tyń serpin berdi.
«Ýaǵdalastyqtarymyzdyń qalaı júzege asyp, kózdegen maqsatqa qalaı qol jetkizip jatqanymyzdy kórip otyrmyn. Bári de baqylaýda dep aıtýǵa bolady», – dedi Qazaqstan Prezıdenti.
Qasym-Jomart Toqaev Qazaqstannyń Reseımen kópjaqty qatynasynda mańyzdy oryn alatyn qazaq-tatar baılanysynyń qarqyndy damyp kele jatqanyn atap ótti.
2021 jyldyń qorytyndysy boıynsha Respýblıkamen aradaǵy taýar aınalymy 423 mıllıon dollar boldy. Bıylǵy tórt aıdyń ishinde 143 mıllıon dollarǵa jetti. Mashına jasaý salasyndaǵy iri jobalar tabysty júzege asyp jatyr. Qazaqstan men Reseıdiń óńiraralyq forýmy yntymaqtastyqty keńeıtýge jaqsy múmkindik beredi.
Óz kezeginde Rýstam Mınnıhanov Peterbýrg halyqaralyq ekonomıkalyq forým aıasynda kezdesýge múmkindik týǵyzǵanyna rızashylyǵyn bildirip, tatar kompanııalarynyń qazaqstandyq seriktesterimen yqpaldastyq ornatýyna qoldaý kórsetip jatqany úshin Qasym-Jomart Toqaevqa alǵys aıtty.
«Qazaqstan kompanııalarynyń Reseı naryǵyna Tatarstan arqyly kirýge múmkindik alýyna paıdamyzdy tıgizgimiz keledi. Tolyqqandy qoldaý kórsetip, yqpal etýge daıynbyz», – dedi Tatarstan Prezıdenti.
”Adyrna” ulttyq portaly
