Qasym-Jomart Toqaev Tatarstan Prezidentı Rustam Minnihanovpen kezdestı. Būl turvly Aqorda mälımdedı, dep habarlaidy “Adyrna” ūlttyq portaly.
Kezdesu barysynda Qazaqstan men Tatarstannyŋ sauda-ekonomikalyq jäne mädeni-gumanitarlyq salalardaǧy yntymaqtastyǧyn keŋeitu perspektivalary dostyq ruhta talqylandy. Ekonomikanyŋ maŋyzdy sektorlaryndaǧy bırlesken jobalardy Qazaqstan aumaǧynda jüzege asyruǧa, elımızdıŋ zauyttaryn Resei Federasiiasynyŋ öndırıs jüiesımen qatar damytuǧa basa män berıldı.
Jiynda «KAMAZ» jäne «Tatneft» kompaniialarymen bırlesken jobalardy jüzege asyru barysy qaralǧan. Kezdesuge būl kompaniialardyŋ da basşylary qatysty.
Qasym-Jomart Toqaev Rustam Minnihanovqa ıltipat bıldıre otyryp, özınıŋ Tatarstanǧa barǧan saparyn airyqşa yqylaspen eske aldy. Onyŋ nätijesı yntymaqtastyqty odan ärı nyǧaituǧa tyŋ serpın berdı.
«Uaǧdalastyqtarymyzdyŋ qalai jüzege asyp, közdegen maqsatqa qalai qol jetkızıp jatqanymyzdy körıp otyrmyn. Bärı de baqylauda dep aituǧa bolady», – dedı Qazaqstan Prezidentı.Qasym-Jomart Toqaev Qazaqstannyŋ Reseimen köpjaqty qatynasynda maŋyzdy oryn alatyn qazaq-tatar bailanysynyŋ qarqyndy damyp kele jatqanyn atap öttı. 2021 jyldyŋ qorytyndysy boiynşa Respublikamen aradaǧy tauar ainalymy 423 million dollar boldy. Biylǧy tört aidyŋ ışınde 143 million dollarǧa jettı. Maşina jasau salasyndaǧy ırı jobalar tabysty jüzege asyp jatyr. Qazaqstan men Reseidıŋ öŋıraralyq forumy yntymaqtastyqty keŋeituge jaqsy mümkındık beredı. Öz kezegınde Rustam Minnihanov Peterburg halyqaralyq ekonomikalyq forum aiasynda kezdesuge mümkındık tuǧyzǧanyna rizaşylyǧyn bıldırıp, tatar kompaniialarynyŋ qazaqstandyq serıktesterımen yqpaldastyq ornatuyna qoldau körsetıp jatqany üşın Qasym-Jomart Toqaevqa alǧys aitty.
«Qazaqstan kompaniialarynyŋ Resei naryǧyna Tatarstan arqyly kıruge mümkındık aluyna paidamyzdy tigızgımız keledı. Tolyqqandy qoldau körsetıp, yqpal etuge daiynbyz», – dedı Tatarstan Prezidentı.
”Adyrna” ūlttyq portaly
Ūqsas jaŋalyqtar
