Mektep oqýshylary 3 saǵatta robot mashına qurastyrdy. «INFOMATRIX – ASIA» halyqaralyq kompıýterlik jobalar jarysynyń jeńimpazy Álınur Turdyqul robotty qalaı jasaǵanyn túsindirdi.
6-8 maýsym aralyǵynda Sýleıman Demırel atyndaǵy ýnıversıtette halyqaralyq «INFOMATRIX – ASIA» baıqaýy ótti. Elimizden jəne ózge elderden jarysqa 365 ónertapqysh qatysty. Qatysýshylar 6 baǵyt boıynsha jobalaryn usyndy: Robotics Computer, Programming Computer, Art Hardware, Control Systems, Short Movie, Mathematics Project.
Robotics Computer baǵyty boıynsha komandasymen I oryn alǵan Erasyl Qaıypov – Shymkent qalasyndaǵy «Bilim-Innovaııa» mektebiniń 10-synyp oqýshysy. Onyń aıtýynsha, mundaı jarystar IT salasy boıynsha ózge oqýshylarmen tájirıbe almasýǵa kómektesedi.
«Biz bul jarystyń bolatynyn bir aı buryn bildik. Birneshe apta boıy Arduino USB bazalyq platformasy arqyly robot mashına qurastyryp, baıqaýǵa daıyndaldyq. Bul jeńis bizdiń komandamyzǵa tynymsyz eńbektiń arqasynda keldi. Jarysta tapsyrmany oryndaýǵa 5 saǵat ýaqyt berildi, biraq biz 3 saǵatta robot mashınany qurastyrdyq. Robotymyz tik tórtburysh arenada ár buryshta turǵan zattardy alyp, ortadaǵy sary sheńberge qoıady. Ony Bluetooth modýl arqyly telefondaǵy qosymshanyń kómegimen basqaramyz, belgili bir gradýsta qısaıta alamyz. Baıqaýda I oryn alǵanymyzǵa óte qýanyshtymyz. Mundaı jarystar bizge ózge memlekettiń baǵdarlamalaýǵa qyzyǵatyn jas ónertapqyshtarymen tanysýǵa, tájirıbe almasýǵa kómektesedi», – dep túsindirdi ol.
Jeńimpaz komandanyń músheleri Álınur Turdyqul men Erasyl Túgelbaı kelesi jyly 11-synyp bitirgende osyndaı halyqaralyq baıqaýlardan alǵan jetistikteri ýnıversıtetke grantqa túsýge kómektesetine qýanyshty.
Sharanyń uıymdastyrýshysy, IT salasynyń mamany Ismaıl Gesannyń aıtýynsha, jyldan jylǵa jarysqa qatysýshy oqýshylardyń deńgeıi joǵarylap, qatysqysy keletin oqýshylardyń sany artyp keledi.
«INFOMATRIX – ASIA» bıyl 8-shi ret uıymdastyrylyp otyr. Jarys jyl saıyn dástúrli túrde Sýleıman Demırel ýnıversıtetinde uıymdastyrylady. Bul baıqaýdyń basqalardan aıyrmashylyǵy – bir kategorııa boıynsha ǵana emes, 6 baǵyt boıynsha ótkizilýi. Balalardyń IT salasy boıynsha qabiletterin ártúrli baǵyttar boıynsha tekserý óte mańyzdy. Jarysqa 400-den astam joba tirkeldi. Komıssııa músheleri 165 jobany iriktep aldy. Baıqaýǵa barlyǵy 365 oqýshy qatysty. Olardyń jumystaryn Google, Facebook sııaqty álemdik kompanııalardy jumys isteıtin mamandar baǵalady. Bıyl qatysýshylardyń deńgeıi joǵary. Balalardyń aqparattyq tehnologııalar salasyna qyzyǵýshylyǵy artyp keledi, jyldan jylǵa deńgeıleri de jaqsaryp kele jatqanyn baıqadyq. Bolashaqta osy oqýshylar myqty IT mamany bolady degen úmittemin», – dedi «Bilim-Innovaııa» halyqaralyq qory IT-departamentiniń basshysy.
Aqparattyq tehnologııalar salasyn damytýǵa baǵyttalǵan baıqaý QR Bilim jəne ǵylym mınıstrliginiń qoldaýymen «Bilim-Innovaııa» HQQ uıymdastyrýymen ótti.
