Aqtaý qalasyn kógaldandyrý isi endi aldaǵy 5 jyl qatarynan memlekettik-jekemenshik áriptestik jobasy aıasynda júrgiziledi. Osyǵan deıin shóleıtti oblys ortalyǵyn jasyl-jelekke orap, ony sýarýmen aınalysatyn mekeme jyl saıyn anyqtalatyn. Bul jumystyń sapasyna keri áserin tıgizdi. Sondyqtan da qala ákimdigi kelisim merzimin 5 jylǵa uzartty, dep habarlaıdy qalalyq turǵyn-úı kommýnaldyq sharýashylyǵy bólimi. Jeńimpaz mekeme – «GreenCityAktau» JShS.
Joba aıasynda Aqtaý qalasyn kógaldandyrý, aǵashtardy, butalardy, gúlderdi otyrǵyzý jáne jasyl jelekter men aǵashtardy kútip-baptaý jumystary júrgiziledi.
-Bes jylǵa baǵyttalǵan joba aıasynda japyraqty aǵashtardan 20 905 dana, qylqan japyraqty aǵashtardan 11 750 dana, sándik butalardan 1 460 dana, butalardan 20 000 metr, kógaldardan 5 000 sharshy metr, gúlzarlardan 652 500 dana, raýshan gúlderinen 18 000 dana egý josparlanǵan,-dedi Aqtaý qalalyq turǵyn-úı kommýnaldyq sharýashylyǵy bólimi basshysynyń m.a Anýar Týlıakov.
Memlekettik-jekemenshik áriptestik aıasynda jumys isteıtin mekeme anyqtalǵanǵa deıin jyl basynan beri «Aqbota» MKK-nyń kógaldandyrýshylary jasyl jelekterdi kútip-ustaý, sondaı-aq jańa aǵash kóshetterin otyrǵyzý jumystaryn júrgizgen. Olar aqpan aıynan bastap 4650 túp aǵash otyrǵyzdy. Onyń 2650 danasy qylqan japyraqty (qaraǵaı, bıota) 2000 danasy japyraqty aǵashtar (aılant, klen, ıasen, kılıterııa).
- Sonymen qatar, qalanyń 9, 11, 14 shaǵynaýdandaryn biriktiretin aınalma jolynyń ortasyna 112 000 dana 1 jyldyq petýnıa gúlderi, 12 shaǵyn aýdan Tobanııaz eskertkishiniń aldyna raýshan gúlderi egildi. Otyrǵyzylǵan kóshetterdiń barlyǵy Aqtaý qalasynda ósirilgen. Iaǵnı barlyq aǵashtar men kógaldar Mańǵystaý oblysynyń qurǵaq klımatyna tózimdi jasyl jelekter, - dedi Anýar Týlıakov.
Al jasyl-jelekterdi sýarý jumystary bıyl Aqtaýda alǵash ret sý qubyry arqyly júrgizile bastady. Jyldar boıy teńizge ketip jatqan jerasty tuy sýlaryn tıimdi paıdalaný úshin qalanyń ortalyq bólikterine, saıabaqtar men alańdarǵa uzyndyǵy 55 shaqyrymdy quraıtyn qubyr tartyldy. (qajettilik táýligine 1 700m3). Qazirgi tańda atalǵan qubyrlardyń 45 shaqyrymy iske qosylǵan. Qalǵan 10 shaqyrymyna aǵymdaǵy jóndeý jumystary júrgizilýde. Maýsym aıynyń sońyna deıin tolyqtaı iske qosylmaq.
Budan bólek, shaǵynaýdan boıyndaǵy jasyl-jelekti sýarý úshin «GreenCityAktau» JShS jyl sońyna deıin taǵy 40 shaqyrym sý qubyryn iske qospaqshy. Qazirgi tańda onyń 13 shaqyrymy 1,2,3,3a,3b,4 shaǵyn aýdandaryna júrgizilip, iske qosyldy.
- Shaǵynaýdan ishindegi jasyl jelekterdi sýarý úshin qazirgi tańda múlik ıeleriniń birlestigi jáne turǵyn úılerge qyzmet kórsetýshi mekemelermen kelissózder júrgizilip, kelisim-shartqa otyrýǵa jumystanýdamyz. Sondaı-aq, qosymsha 30 dana arnaıy sý tasýshy kólikter qalanyń jasyl jelekterin sýarýda. Biri jer astynda, ekinshisi jer ústinde ornalasqan 60 tekshemetrlik qos rezervýar bar. Operator kún saıyn tańǵy saǵat 6-da kelip, nasostardy qosady. 7.30-dan bastap, kólikter kelip, sý toltyryp alady. Birinshi aýysymda saǵat 8:00 - 16:00 deıin 80-ge jýyq adam jumys isteıdi. Osy ýaqyt aralyǵynda kóshe boıyndaǵy aǵashtardy sýarady. Jasyl jelekti, gazondardy qyrqady. Ekinshi aýysym saǵat 16.00 bastalady, 20 adam shaǵynaýdan ishterin sýarady. Bir shaǵynaýdanǵa shamamen 10 kúnde qaıtyp keledi, -dedi Anýar Týlıakov.
Qazirgi tańda «GreenSityAktau» JShS-gi mekemesi taldardy ýlaý (dezınfekııa) jumystaryn da júrgizip jatyr. «BI-58» jáne «Karate» dep atalatyn ý túrleri qoldanylýda. Qala aýmaǵynda 40 myńǵa jýyq jasyl jelekter ýlaýdan ótti. Atalǵan jumystar áli de jalǵasady.
