Májilis depýtaty Ǵalymjan Eleýov 30 sáýirde Seýl-Almaty baǵyty boıynsha ushqan jolaýshynyń ómirin saqtap qaldy, dep habarlaıdy «Adyrna» tilshisi.
Osyǵan oraı «Air Astana» áýe kompanııasynyń prezıdenti Pıter Fosterdiń atynan kompanııanyń ókilderi alǵys hat pen arnaıy syılyq tabys etti.
- «Air Astana» áýekompanııasynyń basshylyǵy 2022 jyldyń 30 sáýirinde Almaty – Seýl baǵyty boıynsha ushqan jolaýshyǵa der kezinde kórsetken kómegi úshin alǵys bildiredi. Sizdiń kásibı sheberligińiz, jaýaptylyǵyńyz jáne belsendi azamattyq ustanymyńyz adamnyń ómirin saqtap qaldy, – delingen alǵys hat mátininde.
Avıatasymaldaýshy kompanııa ókili atap ótkendeı, ushaqtyń bortynda jolaýshylardyń biriniń qysymy tómendep, esin joǵalta bastaǵan. Bortserikter salondaǵy jolaýshylar arasynan medıına qyzmetkerlerin izdegen. Er adam kómekke keldi. Ol keıin belgili bolǵandaı shetelge issaparmen bara jatqan mamandyǵy boıynsha dáriger, Májilis depýtaty Ǵalymjan Eleýov boldy.
Ǵalymjan Eleýovtyń aıtýynsha, adam es-tússiz, klınıkalyq ólim jaǵdaıynda bolǵan. Onyń qysymy men tamyr soǵýy sırep, jedel túrde reanımaııalyq is-sharalar júrgizilgen. Májilis depýtaty jolaýshynyń júrek qyzmetin qalpyna keltirip, onyń jaǵdaıyn jaqsarta aldy. Osylaısha, jaqyn mańdaǵy qalaǵa ushaqtyń shuǵyl qonýy qajet bolǵan, degenmen 37 jastaǵy er adamnyń jaǵdaıy turaqtanyp, ol ári qaraı ushýdy jalǵastyrdy.
