Qýǵyn-súrgin qurbanyna berilgen úıdi ákimdik qaıtaryp almaq

1977
Adyrna.kz Telegram

Petropavlda saıası qýǵyn-súrginge ushyraǵan Muqash Qabdırov bes jyldan beri ádildik izdep júr. Memleketten berilýi tıis úsh bólmeli baspananyń ornyna qala ákimdigi bir bólmeli úı bergen. Qazir onyń ózin keri qaıtaryp almaq, dep habarlaıdy "Adyrna" ulttyq portaly "Habar 24" arnasyna silteme jasap.

Qarııa amalsyz sotqa júgindi. Muqash Qabdırov zarly zamannyń zardabyn tartqan azamat. Saıası quǵyn-súrgin jyldary anasyn Kavkazdan Qazaqstanǵa jer aýdarǵan. Kóp jyldar boıy olar arnaıy komendatýrada esepte turyp, solaqaı saıasattyń qasiretin kórgen. Biraq ýaqyt óte kele aqtalǵan. Elimizde qabyldanǵan zańǵa sáıkes, mundaı jandar turǵyn úı jaǵdaıyn jaqsartýǵa muqtaj bolsa, kezekten tys baspana alýǵa quqyly. Sondyqtan 2017 jyly otbasymen ákimdikke kezekke turǵan.

-Úsh jyl qozǵalys joq. Baryp surasam «qaraımyz, qaraımyz» deıdi. Endi 2020 jyly qaıtadan aryz jazdym. Nege maǵan páter bermeısińder dep. Aıta berseń onyń áńgimesi kóp. Olar joǵalyp ketti, úıtti-búıtti dep, taǵy soza bastady. Sosyn aqyrynda 2020 jyly 21 qazanda maǵan turǵyn úı komısssııanyń sheshimimen 1 bólmeli úı beredi, - deıdi Petropavl qalasynyń turǵyny Muqash Qabdırov.

Qabdırovtar otbasyna úsh bólmeli páter berilýi tıis edi. Onyń ústine qalalyq ákimdiktegiler baspanany tek jalǵa bergen. Áli kúnge úıdiń esh qujaty joq. Sondyqtan ádildik izdegen Muqash aqsaqal sotqa júgingen.

-9 aı meniń aryzyma ne telefonyma jaýap bermedi. Sosyn amal joq, sotqa berdim. Birinshi sot otyrysynda shaǵymymdy qoldamaı, ana jaqqa shyǵyp ketti sot. Sosyn oblystyq sotqa shaǵym jazdyq. Oblystyń sotynda meniń qýanyshyma oraı, shynynda da mynaý birinshi sottyń sýdıasynyń shemimi durys emes. Jaǵdaıy anyq jazylmaǵan dep onyń shemimin joıdy da, bizge, ákimshilikke ýaqyt berdi, - deıdi Muqash Qabdırov.

 72 jastaǵy qarııanyń máselesi áli sheshiler emes. Endi ákimdiktegiler aqsaqalǵa bergen úıdi qaıtaryp almaq.

-Iá, zań bar. Ol 1993 jyly qabyldandy. Iaǵnı memleket mundaı azamttardy barynsha qoldaıdy. Biraq jergilikti jerlerde bul tapsyrma oryndalmaı otyr. Qajetti qujattardyń barlyǵy bar. Sondyqtan  qazir biz Joǵarǵy sotqa aryz daıyndap jatyrmyz, - deıdi advokat Elena Ignatenko.

 Al atalǵan másele boıynsha qalalyq ákimdik ókilderi suhbat berýden bas tartty. Aıtýlarynsha, máseleniń aq-qarasyn sot sheshýge tıis.

 

"Adyrna" ulttyq portaly

 

Pikirler