Şymkenttıŋ eks-äkımı Ǧabidolla Äbdırahymov özıne qatysty qylmystyq ıs qozǧaldy degen aqparatqa qatysty pıkır bıldırdı, dep habarlaidy "Adyrna" ūlttyq portaly.
"orda.kz"-tıŋ jazuynşa, Şymkenttıŋ būrynǧy äkımınıŋ aituynşa, oǧan qūqyq qorǧau organdarynan eşqandai habarlama kelmegen.
– Şynymdy aitsam, eşqandai ıs turaly habarym joq. Eşkım eşqaida şaqyrǧan joq, maǧan eskertpedı. Äleumettık jelıde jazylǧandar bos söz. Būǧan menıŋ eş qatysym joq. Būl ne üşın jasalǧanyn bılmeimın. Ol adam (aryz jazǧan – avt.) – qarapaiym käsıpker, Qazaqstanda ondailar köp. Men köp käsıpkerdı bılemın. Bıraq ol adammen eşqandai qatysym bolǧan emes. Onymen müldem bailanysta bolǧan joqpyn. Ärine, ömır boiy, dälırek aitsaq, 22 jyl memlekettık qyzmette boldym. Men de basqalar siiaqty būl biznesmenderdı memlekettık qyzmetker retınde ǧana bıluım mümkın, – dedı Äbdırahymov.Sondai-aq, ol auyr qylmys jasady dep aiyptau "öz aldyna qylmys ekenın" atap öttı.
– Nege adamdar mūndaiǧa jol beredı. Būl aqparatty jariialaǧan Kozachkov myrza maǧan habarlaspady. Keşe Bas prokuratura da aqparatty terıske şyǧardy. Bıraq olar älı tynyştalmai otyr. Maǧan bıreu "tapsyrys" bergen siiaqty. Bıraq mūnyŋ ne üşın jasalyp jatqanyn bılmeimın, – dep qosty eks-äkım.Äbdırahymov qazır Nūr-Sūltanda tūratynyn, käsıpkerlıkpen jäne jobalarmen ainalysyp jatqanyn aitty. Aita ketu kerek, keşe polisiia Şymkenttıŋ eks-äkımı Ǧabidolla Äbdırahymov pen QR ŪQK būrynǧy töraǧasy Kärım Mäsımovke qatysty qylmystyq ıstıŋ qozǧalǧanyn rastaǧan bolatyn. Habarlamada qylmystyq derek boiynşa ıs jürgızudı Almaty qalasy PD tergeu basqarmasy jüzege asyratyny aitylǧan.
"Adyrna" ūlttyq portaly
