Reseıge jaldanǵan jaýynger, áleýmettik jelilerde qazaqstandyqtardy soǵysqa belsendi tartýshylardyń biri Vıacheslav Tretıakov Ýkraınada Reseı jaǵynda soǵysyp júrgen 3 qostanaılyqtyń kóz jumǵanyn habarlady. Bul týraly Arlen Batenov esimdi jeli qoldanýshysy jazǵan, dep habarlaıdy “Adyrna” ulttyq portaly.
«Búgin soǵysqa erikti qatysýshy qazaqstandyqtar arasynda alǵash ret birneshe adam qaıtys boldy. Meniń Qostanaıdan kelgen 3 jerlesim Harkovta jarylǵan mınanyń astynda qalyp, kóz jumdy. Biz qaıda bara jatqanymyzdy bildik. Túbinde jeńiske jetemiz jáne dushpandy talqandaımyz! Men baýyrlarymdy maqtan tutamyn, olar naǵyz erlik kórsetti» delingen onyń áleýmettik jelidegi jazbasynda.
Onyń aıtýynsha, Tretıakov Qostanaıda týǵan. Sonda kúzetshi, júk tasymaldaýshy, ýshýdan jattyqtyrýshy bolyp jumys istegen. Donbasta soǵysqa qatysqan, Ýkraına bazasynda áskerı qylmysker retinde tirkelgen.
Orda.kz tilshisiniń habarlaýynsha, onyń dostaryna júrgizilgen taldaý nátıjesi Reseıdiń ımperııalyq saıasatyn kórsetedi. Áleýmettik jelide olar páterlerinde RF týyn ustap, Donbas úshin soǵysýǵa úgitteıdi, ýkraındyqtardy óltirýge shaqyrady. Sóıte tura Qazaqstanda tynysh ómir súrip, jumys istep jatyr.
«Osyndaı Reseıdi jaqtaıtyn, ulttyq qaýipsizdikke qaýip tóndiretin toptar óte kóp. Olar rashızmdi ashyq nasıhattaıdy, qazaqstandyqtardy Ýkraınadaǵy soǵysqa tartyp jatyr, sondaı-aq Qazaqstandy Reseıge qosýdy belsendi qoldaıdy» delingen jazbada.
”Adyrna” ulttyq portaly
