QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda Balalar jylyn ótkizý máseleleri qaraldy. QR densaýlyq saqtaý mınıstri Ajar Ǵınııat, mádenıet jáne sport mınıstri Dáýren Abaev, bilim jáne ǵylym vıe-mınıstri Sholpan Karınova, Qaraǵandy oblysynyń ákimi Jeńis Qasymbek jáne Atyraý oblysynyń ákimi Serik Shápkenov baıandama jasady, dep habarlaıdy «Adyrna» tilshisi vedomstvonyń baspasóz qyzmetine silteme jasap.
Otyrys basynda Álıhan Smaıylov Qazaqstannyń kishkentaı balǵyndaryn Halyqaralyq balalardy qorǵaý kúnimen quttyqtady. Memleket basshysynyń Jarlyǵymen 2022 jyl Balalar jyly bolyp jarııalandy.
Bilim jáne ǵylym mınıstrliginiń derekterine sáıkes, Balalar jylyn ótkizý jónindegi is-sharalar jospary 7 baǵyt boıynsha 66 is-sharany qamtıdy. Olar qaýipsizdik, densaýlyq, bilim berý jáne bos ýaqytty sapaly ótkizýge baǵyttalǵan.
Bıylǵy 5 aıda 2,5 mln astam balanyń qatysýymen 17 300 óńirlik is-shara ótkizildi, balalardyń 59%-y az qamtylǵan otbasydan shyqqan.
Baıandamashylardy tyńdaǵan Premer-Mınıstr balalardyń bilim alyp, jan-jaqty damýyna, demalýy men medıınalyq qyzmet alýyna jaǵdaı jasaý memlekettiń mańyzdy mindeti ekenin atap ótti.
Jyl saıyn elimizde júzdegen mektep, balabaqsha, mádenıet jáne sport nysandary salynady – munyń bári balalardyń jan-jaqty damýy úshin qajet.
Úkimet basshysy Balalardy qorǵaý kúni qashan da jazǵy saýyqtyrý kompanııasynyń bastamasy bolǵanyn atap ótip, Densaýlyq saqtaý mınıstrligine jaz mezgilin barynsha tıimdi paıdalanyp, keshendi sharalardy qabyldaýdy tapsyrdy.
«Eń bastysy – kóshede, sýda demalý kezinde, túrli ekskýrsııalarda balalarymyzdyń qaýipsizdigin qamtamasyz etý. Balalar qatysatyn kez kelgen is-sharany uıymdastyrý, eń aldymen, olardyń qaýipsizdigine kepildik berýi tıis», — dedi QR Premer-Mınıstri.
Osyǵan baılanysty salalyq vedomstvolarǵa tıisti qyzmetterdiń jumysyn jumyldyryp, oqý oryndaryn qaýipsizdik júıesimen jaraqtandyrý jáne jańǵyrtý jumystaryn jandandyrý tapsyryldy.
Oǵan qosa, Á. Smaıylov oblys ákimdikterine áleýmettik jaǵynan az qamtylǵan sanattaǵy balalardy saýyqtyrý sharalarymen, jazǵy demalyspen jáne bos ýaqyttaryn paıdaly ótkizýmen barynsha qamtýdy tapsyrdy. Barlyq aýyldyq eldi-mekenderde sport alańdaryn, balalardy damytý ortalyqtaryn jabdyqtap, oıyn-saýyq, mádenı is-sharalar uıymdastyrý qajet.
Densaýlyq saqtaý boıynsha shalǵaıdaǵy eldi-mekenderde balalardyń densaýlyq jaǵdaıyna skrınıngtik jáne stomatologııalyq tekserýler júrgizý úshin jyljymaly medıınalyq pýnktterdiń jumys isteýine qatysty sharalar qabyldanýy kerek.
Odan bólek, balalar quqyqtarynyń saqtalýyn qamtamasyz etý úshin óńir ákimdikteri janyndaǵy táýelsiz Bala quqyqtary jónindegi ýákilderdiń laýazymdaryn engizýdi tezdetý tapsyryldy.
Ishki týrızmdi damytý aıasynda balalar úshin ekskýrsııalyq-tanymdyq is-sharalar uıymdastyrý kerek.
Balalardy úıirme jáne sekııalarmen qamtý maqsatynda memlekettik bilim berý, sport jáne shyǵarmashylyq tapsyrystar boıynsha aqparattyq júıeler ıntegraııasy qamtamasyz etiledi. Bul sekııalar men úıirmelerdegi naqty jaǵdaıdy kórýge, sondaı-aq olardyń qoljetimdiligin arttyrýǵa múmkindik beredi.
«Qoryta aıtqanda, barlyq óńir ákimderine Balalar jylyna arnalǵan is-sharalardyń oryndalýyn jeke baqylaýǵa alýdy tapsyramyn», — dep túıindedi QR Premer-Mınıstri.
