Atyraýda qant saýdasyna shekteý qoıyldy. Ár tutynýshy endi 3 keliden artyq satyp ala almaıdy, dep habarlaıdy «Adyrna» tilshisi «Habar 24»-ke silteme jasap.
Bul jaǵdaı munaıly óńir turǵyndarynyń arasynda qyzý talqyǵa túsip jatyr. Tipti aılaǵa kóship, bir adam saýda núktesinen bir kúnde birneshe ret qant satyp alǵany anyqtalǵan. Endi turǵyndar qantty tek shekteýli mólsherde ǵana ala alady. Mınıstrliktiń ózi tapshylyq bar ekenin jasyrmaı otyr. Osyndaı qysyltaıań ýaqytta qaltanyń qamyn oılap, aılaǵa basqandar da bar. Bir adamnyń 1 kún ishinde qaladaǵy saýda núkteleriniń birinen 18 ret qant satyp alǵany anyqtaldy.
«Biz beınebaqylaý kameralary arqyly tekserý júrgizgenbiz. 1 adamnyń sýpermarketke 18 ret kelip, qant alǵanyn anyq baıqadyq. Olar osy jerden arzan baǵada satyp alyp, keıin ony qymbatqa saýdalaıdy. Alyp-satarlardyń aılasyn júzege asyrmaý úshin, endi sýpermarket sórelerine qant belgili bir ýaqytqa ǵana shyǵarylady. Tipti reıdtik sharalar da qolǵa alynbaq»,– dedi qalalyq kásipkerlik jáne aýyl sharýashylyǵy bólimi basshysynyń orynbasary Altynaı Erýbaeva.
Saýda jáne ıntegraııa mınıstrligi Reseı Federaııasynyń qant eksportyna salǵan tyıymynyń kesirinen tapshylyq týyp otyr deıdi. Mınıstrliktiń málimetinshe, endi 31 tamyzǵa deıin elimizge 350 myń tonna kóleminde qant jetkizý josparlanyp otyr.
