Álıhan Smaıylov Máskeýge jumys sapary barysynda Reseı Federaııasy Úkimetiniń Tóraǵasy Mıhaıl Mıshýstınmen kelissóz júrgizdi. Bul týraly Premer-Mınıstrdiń resmı aqparattyq resýrsy jazdy, dep habarlaıdy «Adyrna» tilshisi.
Keńeıtilgen quramda ótken kezdesý barysynda Álıhan Smaıylov Qazaqstan men Reseı memleketaralyq baılanystyń barlyq spektri boıynsha ekijaqty ózara is-qımyldyń dástúrli joǵary deńgeıine ıe ekenin atap ótti.
Bıyl eki memleket arasyndaǵy dıplomatııalyq qatynastardyń ornaǵanyna jáne Dostyq, yntymaqtastyq jáne ózara kómek týraly sharttyń bekitilgenine 30 jyl tolady.
«Osy kezeńde senimdi ári syndarly dıalog ornady. Kóptegen ózara tıimdi baǵyttar boıynsha seriktestik joǵary deńgeıge kóterildi», — dedi Álıhan Smaıylov.
Sonymen qatar QR Úkimetiniń basshysy ekijaqty qarym-qatynasty odan ári damytý úshin UQShU-ǵa múshe Memleketter basshylarynyń mereıtoılyq otyrysy aıasynda Qazaqstan men Reseı Prezıdentteriniń jaqynda ótken kezdesýi barysynda mańyzdy baǵdarlardyń belgilengenin jetkizdi.
Reseı Federaııasy – Qazaqstannyń negizgi saýda-ekonomıkalyq seriktesi. 2021 jyldyń qorytyndysy boıynsha ózara taýar aınalymy úshten birge ósip, $24,2 mlrd rekordtyq kórsetkishke jetti.
Osyǵan oraı, Álıhan Smaıylov eki el Úkimetteri aldynda ózara saýda men ınvestıııalardy odan ári arttyrý mindeti turǵanyn atap ótti.
«Elderimiz arasynda kópjosparly ekonomıkalyq baılanystardy damytý boıynsha júıeli jumys júrgizilip jatyr. Atalǵan baǵytta Ekonomıkalyq yntymaqtastyqtyń 2021-2025 jyldarǵa arnalǵan keshendi baǵdarlamasyn ýaqytyly iske asyrýdyń mańyzy zor», — dedi QR Premer-Mınıstri.
Sondaı-aq Álıhan Smaıylov yntymaqtastyqtyń taǵy bir mańyzdy baǵyty ónerkásiptik kooperaııa ekendigin atap ótti.
Qazaqstanda 13 mańyzdy birlesken joba iske asyryldy. Birqatar salada, onyń ishinde mashına jasaý, metallýrgııa jáne hımııa ónerkásibinde quny shamamen $4 mlrd quraıtyn 22 iri joba júzege asyrylyp, keıbiri pysyqtalyp jatyr.
«Bul baǵytta bizdiń odan ári damý áleýetimiz joǵary. Birlesken jobalardy tezirek iske qosýǵa múddelimiz jáne jan-jaqty qoldaý kórsetýge daıynbyz», — dedi QR Úkimetiniń basshysy.
Álıhan Smaıylov Qazaqstan men Reseı EAEO, TMD, UQShU, ShYU jáne AÓSShK sııaqty aımaqtyq uıymdar aıasynda da tabysty ózara is-qımyl ornatqanyn atap ótti.
«Qazaqstan-Reseı strategııalyq áriptestigi aldaǵy ýaqytta da barlyq baǵytta joǵary qarqynmen damıtynyna senimdimin», — dep túıindedi QR Premer-Mınıstri.
Óz kezeginde Mıhaıl Mıshýstın búgingi kezdesý eki memleket Prezıdentteriniń 16 mamyrda Máskeýde qol jetkizilgen kelisimderin damytý aıasynda ótip jatqanyn aıtty.
«Qazaqstanmen dostyǵymyzdy, tatý kórshilik qarym-qatynasymyzdy, odaqtastyǵymyzdy joǵary baǵalaımyz. Biz negizgi basym mindetterdiń biri retinde Qazaqstanmen saýda-ekonomıkalyq yntymaqtastyqty keńeıtý máselesin qarastyramyz», — dedi Mıhaıl Mıshýstın.
Reseı Federaııasy Úkimetiniń Tóraǵasy ımportty almastyrý baǵdarlamalaryn júzege asyrýdyń perspektıvalaryn atap ótti.
«Ónerkásipte, mashına jasaýda, kólik, energetıka, ıfrlyq ekonomıka salalarynda birlesken jańa strategııalyq jobalardy iske qosýǵa jaǵdaı jasalǵan. Bul máseleler bizdiń Úkimetaralyq komıssııanyń turaqty baqylaýyna alynǵan», — dedi M. Mıshýstın.
Kelissóz qorytyndysy boıynsha taraptar ózara tıimdi saýda-ekonomıkalyq yntymaqtastyqty odan ári nyǵaıtýǵa kelisti.
