Mamyrdaǧy kütpegen kezdesuler taǧy da bır lauazymdy tūlǧaǧa jolyǧumen jalǧasty. Būl jolǧy kezdesudı men de qatty kütkenmın. Sebebı qazırgı Senat Töraǧasy ūlt pen tılge, dästür men tarihqa öte jaqyn boluǧa mındettı. Öitkenı ol qazaq ädebietı men aqparattyq qūraldarynyŋ damuyna jarty ǧūmyryn arnaǧan Saǧat Äşımbaevtyŋ ūly Mäulen Saǧathanūly Äşımbaev. Üş mäsele boiynşa ǧana oi aituǧa mümkındık boldy: bırınşı –Qaŋtar oqiǧasyna qatysqandarǧa (ūiymdastyru emes) amnistiia jariialau. Būl qazırgı bilık pen halyqtyŋ tüsınısuıne jyldam jetkızetın jol.
Ekınşı – tıl mäselesı. Ägäräki şynymen däl qazır tıl märtebesın ata zaŋmen bekıtu Qazaqstanda da ūltaralyq qaqtyǧysqa äkeluı mümkın bolsa, onda äzırge Memlekettık tıldı damytu agenttıgın qūru. Egerde memlekettık tıldı oqytu, nasihattau, onyŋ märtebesın ösıru bilık tarapynan qadaǧalanyp, qoldau körse, onda ary ketse 3-5 jylda Qazaqstan avtomatty türde jappai qazaq tılınde söileitınıne äbden senemın. Üşınşısı – būl menıŋ eŋ ülken armandarymnyŋ bırı. Almaty qalasynyŋ Äl-Farabi köşesınde jaŋadan boi kötergen teatrdy Ūlttyq Dästürlı öner teatry qylu. Täuelsızdık alǧaly eşqandai mardymdy qoldau körmegen ūlttyq önerdıŋ törge şyǧatyn uaqyty keldı! Būl oiymmen kelıspeitın adam tabylsa kez-kelgen uaqytta pıkır almasuǧa daiynmyn.
Qysqaşa aitqanda osy. Maǧan basy jaman emes siiaqty. Qaŋtar oqiǧasynan keiın bilık basyna eldık pen täuelsızdıktı şynymen qalaityn azamattar kele bastaǧandai. Būiyrsa besınşı mausymdaǧy referendumnan keiın būdan da jaqsaratyn şyǧarmyz. Qūdai tılegımdı qabyl etkei. Jol bolsyn aǧalar. Moiyndaryŋyzda batpan jük, aldaryŋyzda bırtalai jūmys tūr. Erteŋın bügınınen qymbat köretın Qazaq sızderge ümıt artty. Al onyŋ salmaǧy jeŋıl emes...
Rinat Rifhatūly Zaitov aitysker aqyn, Mädeniet salasynyŋ üzdıgı, «Alatau» dästürlı öner teatry direktory
