Astanalyq süŋguırler Esıl özenınıŋ tübınen kämelet jasyna tolmaǧan 2 er balanyŋ denesın tapty. Būl turaly Tötenşe jaǧdailar departamentı mälımdedı, dep habarlaidy “Adyrna” ūlttyq portaly.
«29 mamyr künı saǧat 12:50-de «112» pultıne Beisekova köşesı boiyndaǧy köpır maŋynda Esıl özenıne 2 bala suǧa batyp kettı degen habar kelıp tüstı. Oqiǧa ornyna jedel qūtqaru jasaǧy jetıp, aldymen jaǧdaidy baqylap, ızdeu jūmysyna kırıstı. Nätijesınde süŋguırler özen tübınen kämelet jasyna tolmaǧan er balanyŋ denesın tapty. Bırer minuttan soŋ ekınşı balanyŋ mürdesı sudan şyǧaryldy», – degen aqparat taratty qalalyq Tötenşe jaǧdailar departamentınıŋ baspasöz qyzmetı.Qazırgı uaqytta polisiia qyzmetkerlerı suǧa ketken balalardyŋ jeke basyn anyqtap jatyr.
«Oqiǧa bolǧan su jaǧasynda tötenşe jaǧdai qyzmetkerlerı būǧan deiın aqparattyq stend pen şomyluǧa tyiym salynǧan belgı ornatqan edı. Sebebı, ol jer şomyluǧa qauıptı», – deidı vedomstvodan. Osyǧan orai, Nūr-Sūltan qalasy Tötenşe jaǧdailar departamentı elordalyqtarǧa eskertu jasady. «Qūrmettı ata-analar, balalardy qarausyz qaldyrmaŋyzdar. Balalarǧa jazǧy kanikul kezınde qauıpsızdık şarasyn saqtau kerektıgı turaly esıne salyp otyryŋyzdar. Qazırgı uaqytta elorda aumaǧynda şomyluǧa rūqsat üş uchaske bar. Olar – Ortalyq saiabaq, «Tri peskaria» jäne «Stolichnyi dvor» demalys bazasy», – delıngen TJD resmi aqparatynda.
”Adyrna” ūlttyq portaly
Ūqsas jaŋalyqtar
