Astanalyq súńgýirler Esil ózeniniń túbinen kámelet jasyna tolmaǵan 2 er balanyń denesin tapty. Bul týraly Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
«29 mamyr kúni saǵat 12:50-de «112» pýltine Beısekova kóshesi boıyndaǵy kópir mańynda Esil ózenine 2 bala sýǵa batyp ketti degen habar kelip tústi. Oqıǵa ornyna jedel qutqarý jasaǵy jetip, aldymen jaǵdaıdy baqylap, izdeý jumysyna kiristi. Nátıjesinde súńgýirler ózen túbinen kámelet jasyna tolmaǵan er balanyń denesin tapty. Birer mınýttan soń ekinshi balanyń múrdesi sýdan shyǵaryldy», – degen aqparat taratty qalalyq Tótenshe jaǵdaılar departamentiniń baspasóz qyzmeti.
Qazirgi ýaqytta polıııa qyzmetkerleri sýǵa ketken balalardyń jeke basyn anyqtap jatyr.
«Oqıǵa bolǵan sý jaǵasynda tótenshe jaǵdaı qyzmetkerleri buǵan deıin aqparattyq stend pen shomylýǵa tyıym salynǵan belgi ornatqan edi. Sebebi, ol jer shomylýǵa qaýipti», – deıdi vedomstvodan.
Osyǵan oraı, Nur-Sultan qalasy Tótenshe jaǵdaılar departamenti elordalyqtarǵa eskertý jasady.
«Qurmetti ata-analar, balalardy qaraýsyz qaldyrmańyzdar. Balalarǵa jazǵy kanıkýl kezinde qaýipsizdik sharasyn saqtaý kerektigi týraly esine salyp otyryńyzdar. Qazirgi ýaqytta elorda aýmaǵynda shomylýǵa ruqsat úsh ýchaske bar. Olar – Ortalyq saıabaq, «Trı peskarıa» jáne «Stolıchnyı dvor» demalys bazasy», – delingen TJD resmı aqparatynda.
”Adyrna” ulttyq portaly
