Ýkraına Prezıdenti Vladımır Zelenskıı Ýkraınaǵa qarý-jaraq jetkizý máselesi boıynsha aldaǵy aptada "jaqsy jańalyq" kútetinin málimdedi, dep habarlaıdy "Adyrna" ulttyq portaly "azattyq.org"-qa silteme jasap.
"Kún saıyn qorǵanysty kúsheıtýge kúsh salyp jatyrmyz. Eń birinshi kezekte qarý-jaraqpen qamtamasyz etý máselesine kóńil bólemiz. Armııamyzdyń okkýpanttardy tehnologııalyq jáne tegeýrindi soqqy turǵysynan basyp ozatyn shaqqa jaqyndap kelemiz. Árıne, kóp nárse áriptesterimizge de baılanysty. Olardyń Ýkraınany erkindigin qorǵaýǵa qajet jaraqtarmen qamtamasyz etý daıyndyǵyna da baılanysty. Osy turǵydan alǵanda kelesi aptada jaqsy jańalyq kútip otyrmyn"- dedi V.Zelenskıı.
Onyń aıtýynsha, Reseı áskeriniń shabýylyn toqtatý úshin qarý-jaraqtyń bolǵany mańyzdy.
"Jaǵdaı óte kúrdeli. Ásirese, Donbass pen Harkov mańyndaǵy aýdandarda jaǵdaı qıyn. Reseı armııasy qandaı da bir nátıjege qol jetkizýge tyrysyp jatyr" -dedi Ýkraına Prezıdenti.
"Adyrna" ulttyq portaly
