Petropavl halyqaralyq áýejaıy úshinshi ret saýda-sattyqqa shyǵarylady. Bul týraly Soltústik Qazaqstan oblysynyń ákimi Qumar Aqsaqalov qalaǵa jasaǵan jumys sapary barysynda aıtty, dep habarlaıdy "Adyrna" ulttyq portaly "Azattyq Rýhy"-na silteme jasap.
Úshinshi konkýrsqa áýejaı múlki bastapqy quny boıynsha qoıylady.
"Eki baıqaý ótti. Eshkim saýda-sattyqqa shyqqan joq. Sondyqtan biz burynǵy 5,6 mlrd teńge baǵasyn qaıta qoıamyz. Tómendetpeımiz. Taǵy bir baıqaý jarııalanýy múmkin", - dedi aımaq basshysy.
Oblys ákimi áýejaıdy qamtamasyz etýge jyl saıyn bıýdjetten 200 mln teńgege deıin qarjy jumsalatynyn, bul úlken salmaq ekenin atap ótti.
"Áýejaı jumys isteıdi. Biraq avıaııalyq qaýipsizdik qyzmeti ol jerde kóp nárse isteý kerek ekenin aıta beredi. Úlken ushaqtar keshki ýaqytta ushyp ketýi úshin qazirgi zamanǵy munaı bazasy qajet, bul tasymaldar kólemin ulǵaıtýǵa múmkindik beredi. Al ol ınvestıııalaý arqyly oryndalady. Onda kóptegen mamandar jumys isteýi kerek. Ókinishke oraı, biz mundaı shyǵyndardy áli kótere almaımyz. Bıznesti júrgizetin ınvestorlar qajet. Reısterdi zerttep, halyqaralyq avıakompanııalarǵa shyǵyp, tasymaldaýshylarmen kelisip, ushaqtarǵa janarmaı quıý – bul tutas bir proess. Ákimdik munymen aınalysa almaıdy", - dedi ákim.
