Petropavl halyqaralyq äuejaiy üşınşı ret sauda-sattyqqa şyǧarylady. Būl turaly Soltüstık Qazaqstan oblysynyŋ äkımı Qūmar Aqsaqalov qalaǧa jasaǧan jūmys sapary barysynda aitty, dep habarlaidy "Adyrna" ūlttyq portaly "Azattyq Rýhy"-na sılteme jasap.
Üşınşı konkursqa äuejai mülkı bastapqy qūny boiynşa qoiylady.
"Ekı baiqau öttı. Eşkım sauda-sattyqqa şyqqan joq. Sondyqtan bız būrynǧy 5,6 mlrd teŋge baǧasyn qaita qoiamyz. Tömendetpeimız. Taǧy bır baiqau jariialanuy mümkın", - dedı aimaq basşysy.Oblys äkımı äuejaidy qamtamasyz etuge jyl saiyn biudjetten 200 mln teŋgege deiın qarjy jūmsalatynyn, būl ülken salmaq ekenın atap öttı.
"Äuejai jūmys ısteidı. Bıraq aviasiialyq qauıpsızdık qyzmetı ol jerde köp närse ısteu kerek ekenın aita beredı. Ülken ūşaqtar keşkı uaqytta ūşyp ketuı üşın qazırgı zamanǧy mūnai bazasy qajet, būl tasymaldar kölemın ūlǧaituǧa mümkındık beredı. Al ol investisiialau arqyly oryndalady. Onda köptegen mamandar jūmys ısteuı kerek. Ökınışke orai, bız mūndai şyǧyndardy älı kötere almaimyz. Biznestı jürgızetın investorlar qajet. Reisterdı zerttep, halyqaralyq aviakompaniialarǧa şyǧyp, tasymaldauşylarmen kelısıp, ūşaqtarǧa janarmai qūiu – būl tūtas bır prosess. Äkımdık mūnymen ainalysa almaidy", - dedı äkım.
