29 mamyrda Aýǵanstan astanasy Kabýlda 20 shaqty áıel "Talıban" qozǵalysynyń áıel quqyqtaryn shekteýine narazylyq bildirdi, dep habarlaıdy "Adyrna" ulttyq portaly.
"azattyq.org" saıtynyń jazýynsha, narazylyq sharasyna shyqqan olar "nan, jumys, erkindik" dep, sondaı-aq "Bilim alýǵa quqyǵym bar! Mektepterdi qaıta ashyńdar!" dep aıqaılady. Bilim mınıstrligi ǵımaratynyń mańyna jınalǵan áıelderdiń basym bóliginiń bet-júzi jabyq boldy.
AFP agenttiginiń habarlaýynsha, bılik "Talıban" jasaqtaryn ákelgennen keıin narazylar sherýdi toqtatqan.
"Biz talaptarymyzdy oqyp bergimiz kelgen, alaıda "Talıban" oǵan múmkindik bergen joq" dedi jınalǵandardyń biri Sholıa Parsı.
"Olar keıbir qyzdardyń telefondaryn tartyp alyp, foto-vıdeo túsirýge bóget jasady" dedi ol franýzdyń aqparat agenttigine.
2021 jyly tamyz aıynda bılikke kelgennen keıin "Talıban" eldegi áıelder men qyzdardyń quqyqtaryn shekteı bastaǵan. 6-synypty bitirgen qyzdarǵa mektepke barýǵa tyıym salyndy. Naýryz aıynda "Talıban" orta mektepterdi jabýǵa buıryq berdi. Al mamyrdyń basynda tálipter áıelderge bet-júzin jasyryp, paranja kııýdi mindettegen.
"Adyrna" ulttyq portaly.
