29 mamyrda Auǧanstan astanasy Kabulda 20 şaqty äiel "Taliban" qozǧalysynyŋ äiel qūqyqtaryn şekteuıne narazylyq bıldırdı, dep habarlaidy "Adyrna" ūlttyq portaly.
"azattyq.org" saitynyŋ jazuynşa, narazylyq şarasyna şyqqan olar "nan, jūmys, erkındık" dep, sondai-aq "Bılım aluǧa qūqyǧym bar! Mektepterdı qaita aşyŋdar!" dep aiqailady. Bılım ministrlıgı ǧimaratynyŋ maŋyna jinalǧan äielderdıŋ basym bölıgınıŋ bet-jüzı jabyq boldy.AFP agenttıgınıŋ habarlauynşa, bilık "Taliban" jasaqtaryn äkelgennen keiın narazylar şerudı toqtatqan.
"Bız talaptarymyzdy oqyp bergımız kelgen, alaida "Taliban" oǧan mümkındık bergen joq" dedı jinalǧandardyŋ bırı Sholia Parsi."Olar keibır qyzdardyŋ telefondaryn tartyp alyp, foto-video tüsıruge böget jasady" dedı ol fransuzdyŋ aqparat agenttıgıne. 2021 jyly tamyz aiynda bilıkke kelgennen keiın "Taliban" eldegı äielder men qyzdardyŋ qūqyqtaryn şektei bastaǧan. 6-synypty bıtırgen qyzdarǧa mektepke baruǧa tyiym salyndy. Nauryz aiynda "Taliban" orta mektepterdı jabuǧa būiryq berdı. Al mamyrdyŋ basynda tälıpter äielderge bet-jüzın jasyryp, paranja kiiudı mındettegen.
"Adyrna" ūlttyq portaly.
