Twitter ınvestorlary Maskty sotqa berdi

1993
Adyrna.kz Telegram
Foto: cdn.igromania.ru
Foto: cdn.igromania.ru
Twitter Inc ınvestorlary Ilon Maskty sotqa berdi. Oǵan kompanııa akııalarynyń baǵasyna aıla-sharǵymen yqpal etti degen aıyp taǵyldy, dep habarlaıdy "Adyrna" ulttyq portaly "Zakon.kz"-ke silteme jasap.

Aıyptaýshy tarap 14 naýryzǵa deıin Twitter akııalarynyń 5%-dan astamyn satyp alǵany týraly eshkimge aıtpaǵan Mask 14 mıllıon dollar únemdegenin dáleldegisi keledi, dep habarlaıdy CNBC.

Talapkerler mámile týraly habarlanǵannan beri Twitter akııalary 12%-ǵa, al Tesla akııalary 28% - ǵa tómendegenin aıtady. Saldarynan akııa ıeleri ózderiniń áleýetti kiristeriniń 40%-yn joǵaltty. Maskti Twitter akııalaryn satyp alǵany týraly málimetti ádeıi jasyrdy dep aıyptaıdy: sáýir aıynyń basynda ol kompanııanyń 9,2% akııasyna ıe boldy, osylaısha ol 150 mıllıon dollardan astam aqshasyn "únemdedi".

Talapkerler naryqqa manıpýlıaııa jasaý Kalıfornııanyń korporatıvtik zańnamasyn buzý bolyp tabylatynyn atap ótti.

Investorlar Mask óz is-áreketteri kezinde kompanııa dırektorlarynyń qupııa aqparatyn negizge alǵanyna senimdi. Jeliniń negizin qalaýshy Djek Dorsı men Dırektorlar keńesiniń bir múshesi Egon Dýrban ınsaıderlik málimetterdi jarııa etti dep aıyptalady. Osyǵan baılanysty akıonerler Dýrbannyń ókilettigin ary qaraı uzartpaýdy qoldap, daýys berdi, al Dorsı óz erkimen kompanııadan ketetinin málimdedi.

Talap qoıýshylar sottan Maskty ózderine somasy ashyp aıtylmaǵan shyǵyndardy óteýge, sondaı-aq aıyppul tóleýge mindetteýdi talap etti.

Sonymen qatar, AQSh-tyń Baǵaly qaǵazdar jáne bırjalar jónindegi komıssııasy Masktyń Twitter akııalaryn satyp alǵany týraly málimetterdi ýaqtyly jarııalamaı, jasyryn ustaý faktisi boıynsha tergeý júrgizedi.

"Adyrna" ulttyq portaly.

Pikirler