«Biudjet qarjysy bır rettık baiqaularǧa emes, balalardyŋ mäselesın şeşuge baǧyttaluy kerek» – «AMANAT» fraksiiasynyŋ müşelerı

Jaŋa zaŋ jobasynyŋ arqasynda erekşe qajettılıkterı bar balany sanatorii-kurorttyq emdeuge alyp baratyn ata-analardyŋ bırıne sol jerde tūru jäne tamaqtanu şyǧyndary öteledı. Osy jyldy Memleket basşysy Qasym-Jomart Toqaev balalar jyly dep jariialaǧan bolatyn. Osyǧan bailanysty Ükımet tiıstı ıs-şaralar josparyn daiyndap, ony «AMANAT» partiiasy janyndaǧy Otbasy jäne halyqty äleumettık qorǧau mäselelerı jönındegı respublikalyq qoǧamdyq keŋes mūqiiat zerdeledı. Osy jospardy qarau jäne balalardyŋ qūqyn qorǧaudy qamtamasyz etuge qatysty partiianyŋ atqaryp jatqan jūmystary turaly BAQ ökılderıne Mäjılıs deputattary, «AMANAT» partiiasy fraksiiasynyŋ müşelerı Dinara Zäkievamen Elnūr Beisenbaev baspasöz maslihat barysynda aityp berdı. Jyl basynan bastap barlyq öŋırde 147 myŋ bala tūratyn 247 internatta ömır süru jaǧdaiyn jaqsartu jäne jöndeu jūmystaryn jürgızu jönındegı josparlarǧa qol qoiyldy. Būǧan deiın mūndai şaralar 130 mekemede qabyldanǧan bolatyn. Qiyn jaǧdaiǧa tap bolǧan otbasylarǧa, äielder men balalarǧa keşendı kömek körsetu jäne zorlyq-zombylyqqa ūşyrau mäselelerı boiynşa järdem beru maqsatynda «AMANAT» partiiasynyŋ janynan «111 şūǧyl qyzmetı» bailanys ortalyǧy aşylǧan edı. Oǧan 25 myŋnan astam ötınış kelıp tüstı. Sonymen qatar, būl qyzmet arnaiy qūrylǧan jedel äreket etu toptarymen özara bailanysta jūmys ısteidı. Olardyŋ bırlesıp atqarǧan jūmysynyŋ nätijesınde qiyn jaǧdaidaǧy 64 myŋ otbasyna keşendı kömek körsetıldı. «Baqytty otbasy» partiialyq jobasy aiasynda ötken jyly balalar men otbasylarǧa kömek körsetuge baǧyttalǧan 6 myŋnan astam ıs-şara jüzege asyryldy. Baspasöz konferensiiasynda halyq qalaulylary Ükımet qaulysymen bekıtılgen Balalar jylyn ötkızu jönındegı ıs-şaralar josparyna erekşe nazar audardy. Ony ıske asyruǧa 48,3 mlrd teŋge, onyŋ ışınde 16,7 mlrd teŋgesı respublikalyq biudjetten qarastyrylǧan. Qūjatta 50 tarmaq bar, olardyŋ köpşılıgın deputattar qaita qarau qajet dep sanaidy. «Jospar şyǧarmaşylyq baiqaulardan, jiyndardan, türlı ūsynymdardan, tıptı balalar lagerlerınde jazǧy demalys mausymyn aşudan tūrady. Nege qarajatty barlyq balalardy qoǧamdyq kölıkte tegın jüru, mektepterde tegın tüskı aspen qamtamasyz etu siiaqty jüielı mäselelerdı şeşuge baǧyttamasqa? Aşyǧyn aitqanda, balalardyŋ qūqyn qorǧau salasyndaǧy uäkılettı organ – Bılım jäne ǧylym ministrlıgınıŋ jūmysy tüsınıksız», dedı Dinara Zäkieva. Sonymen qatar, deputat aqpan aiynyŋ basynda «AMANAT» partiiasy fraksiiasynyŋ müşelerı jüiesız şaralarǧa qajetsız şyǧyndardyŋ ornyna az qamtylǧan otbasylardaǧy ärbır balaǧa atauly äleumettık kömek mölşerın 35 myŋ teŋgege deiın arttyruǧa, äkımdıkterde qiyn jaǧdaidaǧy otbasylarmen jūmysty ūiymdastyru üşın otbasy ısterı jönındegı basqarmalar qūrudy ūsynǧanyn eske saldy. Otbasy institutyn nyǧaitu, otbasyndaǧy qolaisyz jaǧdaidyŋ, balalarǧa qatygezdık tanytudyŋ aldyn alu jönındegı nysanaly indikatorlardy öŋırlık damu josparyna engızu jaiynda ūsynys berıldı. Bıraq būl bastamalardyŋ barlyǧyn Ükımet qoldamady. «Jalpy alǧanda, 100 mlrd teŋgeden astam, är öŋırge 3-ten 32 mlrd teŋgege deiın qarajat qarastyrylǧan balalar jylyna arnalǧan öŋırlık josparlar köŋıl könşıtpeidı. Olardyŋ keibıreulerınde ǧana inkliuziiany qoldau kabinetterın, dene şynyqtyru-sauyqtyru ortalyqtaryn, autizmı bar balalarǧa arnalǧan ortalyqtardy aşu siiaqty maŋyzdy ıs-şaralar közdelgen. Būl josparlardaǧy maŋyzdy ıs-şaralardyŋ ülesı 35%-dan aspaidy, al qalǧanynyŋ barlyǧy: «ertegı premerasy», jaŋa jyldyq şyrşalar, qaşyqtyqtan ötkızıletın chempionattar, aitystar, mektepterdıŋ aşylu räsımderı jäne t.b.», dedı Elnūr Beisenbaev. Baspasöz maslihaty barysynda halyq qalaulylary erekşe qajettılıkterı bar adamdardyŋ ömır süru sapasyn jaqsartu jönındegı jūmystarǧa da toqtaldy. Deputat Elnūr Beisenbaev atap ötkendei, Mäjılıstıŋ soŋǧy jalpy otyrysynda bırınşı oqylymda tiıstı zaŋ jobasy maqūldanǧan. «Bız mügedek balany sanatorii-kurorttyq emdeuge alyp barǧan ata-anasynyŋ bıreuıne bırınşı qajettılık şyǧyndarynyŋ öteluın ūsynamyz. Mäselen, sol jerde tūru jäne tamaqtanu şyǧyndary. Aldyn ala esepteuler boiynşa, 3 jyl ışınde sanatorlyq-kurorttyq emdeluge ata-anasymen nemese zaŋdy ökılderımen bırge kemınde 62 myŋ bala barady», - dedı ol. Aita ketu kerek, būl zaŋ jobasynda mügedektıktı belgıleudıŋ syrttai nysany qarastyrylǧan. Barlyq taksoparkter mügedektıgı bar adamdar üşın qazırgıdei 30 emes, är 10 taksige bır tolyq beiımdelgen maşinany qamtamasyz etuı kerek. Al jastar saiasaty jönındegı zaŋ jobasynda barlyq kämeletke tolmaǧandar üşın qoǧamdyq kölıkte tegın jüru normasy qarastyrylǧan.