Semınarǵa Partııalyq emes baıqaýshylar ortalyǵy fılıaldarynyń tóraǵalary men baıqaýshylary qatysty.
Qazirgi ýaqytta baıqaýshylar sanyn aımaqtar boıynsha naqtylaý, trenıngter ótkizý, olarǵa materıaldar ázirleý jumystary júrip jatyr.
Partııalyq emes baıqaý ortalyǵynyń tóraǵasy Tólegen Kúnádilov: «Ata-zańǵa engiziletin ózgerister Jańa Qazaqstannyń baǵyt-baǵdaryn aıqyndap beredi. Bizdiń maqsatymyz – 5 maýsym kúni ótetin referendýmdy, onyń ishinde saılaý ýchaskelerinde baıqaý men monıtorıng júrgizýge qatysý. Onyń aıqyn, ádil ótýin qamtamasyz etý úshin partııalyq emes baıqaýshylar da úlken rol atqarady. Ol úshin baıqaýshylar ózderiniń quqyqtary men mindetterin jáne zańnamany bilýi tıis. Qazir baıqaýshylar arnaıy oqytýdan ótip, bilimin shyńdaýda» dep atap ótti.
Semınarǵa qatysýshylar baıqaýshylardyń fýnkııalary men mindetterin, sondaı-aq «Respýblıkalyq referendým týraly» Qazaqstan Respýblıkasy Zańynyń jáne «Qazaqstan Respýblıkasyndaǵy saılaý týraly» Qazaqstan Respýblıkasy Zańynyń negizgi erejelerin talqylady.
Sondaı-aq baıqaýshylar saılaý organdarynyń quzyreti, daýys berý kúni saılaý komıssııasynyń qyzmetin uıymdastyrý, qoǵamdyq baıqaýshylardyń quqyqtary men mindetteri, sondaı-aq olardyń jumys isteý qaǵıdattary syndy máselelerdi qarady.
Osy baǵytta qatysýshylarǵa saılaý boıynsha tájirıbesi jetik maman, Ortalyq saılaý komıssııasynyń eks-múshesi Serik Sydyqov «Respýblıkalyq referendýmdaǵy baıqaýshylardyń ókilettikteri, quqyqtary men mindetteri» taqyrybynda dáris berdi.
Spıker QR zańdarynda belgilengen baıqaýshylardyń quqyqtary men mindetteriniń negizgi sıpattamalary men erekshelikterin tolyǵyraq baıandady.
«Referendýmda baıqaýshylardyń róli óte mańyzdy. Baıqaýshylar proesti obektıvti túrde qadaǵalap, ádil jáne adal ótkizýge yqpal etý. Baıqaýshynyń negizgi fýnkııasy daýys berýge, saılaý ýchaskesinde daýys berý qorytyndylaryn belgileýge qoǵamdyq baqylaýdy qamtamasyz etý jáne azamattardyń saılaý quqyqtarynyń saqtalýyn qadaǵalaý bolyp tabylady»,-dedi Serik Sydyqov. Semınarda referendýmǵa daıyndyq barysyn talqylanyp, qatysýshylardyń suraqtaryna jaýap berildi.
"Adyrna" ulttyq portaly
