Búgin Halyqaralyq Túrki akademııasy Nur-Cultan qalasyndaǵy QR Ulttyq akademııalyq kitaphanasy ǵımaratynda kórnekti memleket jáne qoǵam qaıratkeri, belgili túrkolog, ǵalym Myrzataı Joldasbekovtyń 85 jasqa tolǵan mereıtoıyna oraı «Kisilik kelbeti» atty halyqaralyq ǵylymı konferenııa ótkizdi.
Alqaly jıynǵa Halyqaralyq Túrki akademııasynyń prezıdenti Darhan Qydyráli, Túrkııa Respýblıkasynyń Qazaqstandaǵy Tótenshe jáne Ókiletti Elshisi Ýfýk Ekıdjı, Ázerbaıjan Respýblıkasynyń Qazaqstandaǵy Tótenshe jáne ókiletti Elshisi Agalar Atamoglanov, Túrikmenstannyń Qazaqstandaǵy Tótenshe jáne Ókiletti elshisi Batyr Redjepov, Iran Islam Respýblıkasynyń Qazaqstandaǵy Tótenshe jáne ókiletti elshisi Madjıd Samadzade Saber, Otandastar qorynyń basshysy Abzal Saparbekuly, fılologııa ǵylymdarynyń doktory Ádil Ahmetov, Memleket jáne qoǵam qaıratkeri Qýanysh Sultanov, S.Seıfýllın atyndaǵy mýzeıdiń dırektory Nesipbek Aıtuly, sonymen qatar kórnekti memleket jáne qoǵam qaıratkerleri, Parlament depýtattary, joǵarǵy oqý oryndarynyń rektorlary, ǵylymı-zertteý ortalyqtarynyń basshysylary ,baýyrlas elderdiń Qazaqstandaǵy elshileri, tanymal ǵalymdar, sondaı-aq birqatar jetekshi BAQ basshylary qatysty.
Jıynǵa qatysýshylar ǵalym M.Joldasbekovty mereıli jasymen quttyqtap, túrkologııa salasyna sińirgen zor eńbegi týraly paıymdy pikirlerimen bólisti.
Keleli kezdesý barysynda Akademııa basshysy Darhan Qydyráli Myrzataı Joldasbekovti túrkologııa ǵylymyna qosqan eren eńbegi úshin Túrki akademııasynyń arnaıy taǵaıyndalǵan «Vılgelm Tomsen» medalimen marapattady.
Sonymen qatar, taǵylymdy is-shara aıasynda Kúltegin eskertkishi mátinderiniń álemniń 14 tilindegi ǵylymı aýdarmalary jınaǵy kópshilik nazaryna usyndy. Ǵylymı jınaqta Kúltegin bitiktasy mátinin aǵylshyn, ázerbaıjan,qazaq,koreı, qyrǵyz,majar, monǵol, nemis, orys, tatar, túrik, tyva,qytaı jáne franýz tilderinde ǵylymı ári kórkem aýdarmalary berilip otyr.
Aıta ketý kerek, Kúltegin jazba eskertkishiniń Myrzataı Joldasbekov jasaǵan qazaq jáne orys tilindegi jańǵyrtpasy oqyrman tarapynan jyly qabyldanyp, keń taralǵan bolatyn. Bul nusqa da atalǵan jınaqqa engizilgen.
Irgeli eńbekke Kúltegin ǵuryptyq kesheni boıynsha sońǵy kezde jasalǵan sony ǵylymı málimetter, arhıvtik jáne tarıhı qujattar, estampaj úlgileri, búginderi sırek kezdesetin málimetter, fotosýretter, keshenniń syzba jańǵyrtpasy sekildi birqatar maǵlumattar júıelenip engizildi.
"Adyrna" ulttyq portaly
