Moldovanyń burynǵy prezıdenti Igor Dodon "memleketke opasyzdyq jasaý" baby boıynsha 72 saǵatqa qamaýǵa alyndy. Bul jóninde Moldova bas prokýratýrasynyń baspasóz hatshysy Marıanna Kıorpek aıtty, dep habarlaıdy "Adyrna" ulttyq portaly "azattyq.org" saıtyna silteme jasap.
Seısenbi kúni tańerteń Moldovanyń jemqorlyqpen kúres prokýratýrasy men aqparat jáne qaýipsizdik qyzmeti "zańsyz jolmen baıydy, Otanyn satty" degen kúdikpen Dodonnyń úıi men taǵy 11 ǵımaratty tintidi.
18 mamyrda Moldovanyń bas prokýratýrasy Dodonnyń olıgarh Vladımır Plahotnıýkten para aldy degen kúdikke ilinip, ústinen qylmystyq is qozǵalǵanyn habarlady. Oǵan 2019 jyly túsirilgen vıdeo jazba ilik bolǵan. Jasyryn kameraǵa jazylǵan vıdeoda Plahotnıýktiń sol kezdegi prezıdent Igor Dodonǵa qara paket bergisi kelgeni kórinedi. Dodon paketke jaqyndamaǵan, biraq ony áldekimge berýdi tapsyrǵan. Vıdeodan Dodon men Plahotnıýk parlamentte konstıtýııalyq kópshilikti quraıtyn koalıııa qurý máselesin talqylaǵany baıqalady. TV-8 málimetine qaraǵanda, Dodon "Pýtınge únemi áldene jazyp turatynyn" aıtqan.
Vıdeo jarııalanǵannan keıin tergeý bastalǵan, biraq jemqorlyqpen kúres prokýratýrasy bastapqyda eshqandaı qylmys belgisin baıqamaǵan, sot ta is qozǵaýdan bas tartqan. Ótken aptada Kıshınevtiń apellıaııalyq palatasy sot sheshiminiń kúshin joıǵan. Dodon taǵylǵan aıyptyń bárin teriske shyǵaryp otyr.
"Adyrna" ulttyq portaly
