Ötken aptada "Antikor" Almaty oblysy auyl şaruaşylyǧy basqarmasynyŋ būrynǧy basşysy Maqsūt Japarovqa qatysty ıs qozǧady degen aqparat şyqty. Ol osymen ekınşı ret biudjet qarjysyn jymqyrdy degen küdıkke ılınıp otyr, dep habarlaidy "Adyrna" ūlttyq portaly.
Būl turaly @abzhannews telegramm kanaly jazdy.
Ol alǧaş ret şarua qojalyqtaryna subsidiialardy negızsız eseptedı degen küdıkke ılındı. Būl ötken jyldyŋ tamyz aiynda bolǧan. Keiın aqtalyp, kreslosyna qaita oraldy. "Japarovty "Samūryq-Qazyna" qorynyŋ eks-töraǧasy Ahmetjan Esımovtıŋ "tuysy" degen qaueset bar. Ol oǧan ıstı "şeşuge" kömektesken-mys".Endı, mıne, oblystyŋ bas auyl şaruaşylyǧy qyzmetkerı qyzmetın aiaqtaǧanyna bırneşe ai ötken soŋ, onyŋ üstınen taǧy da ıs qozǧaldy. Būl joly QR Qylmystyq kodeksınıŋ 189-baby "Senıp tapsyrylǧan bötennıŋ mülkın iemdenu nemese jymqyru" boiynşa qylmystyq ıs qozǧalǧan.
Japarov joǧary baǧamen auyl şaruaşylyǧy tehnikasyn jetkızu arqyly 50 million teŋge biudjet qarajatyn jymqyrdy degen küdıkke ılıngen. Alaida Almaty oblysynyŋ sybailas jemqorlyqqa qarsy qyzmetı aqparatqa qatysty tüsınıkteme bermedı. Olar faktını joqqa şyǧarmaidy da, rastamaidy da.
"Adyrna" ūlttyq portaly.
