QR BǦM Mektepke deiıngı jäne orta bılım komitetınıŋ töraiymy Gülmira Kärımova soŋǧy qoŋyrau merekelık şarasynda mūǧalımderge gül syilauǧa bolatynyn mälımdedı, dep habarlaidy «Adyrna» tılşısı.
«Soŋǧy qoŋyrau – būl mūǧalımder men oquşylar oqu jylynyŋ qorytyndysyn şyǧaryp, bılım aluşylardyŋ jetıstıkterın atap ötetın köŋıldı ärı maŋyzdy oqiǧa. Jyl saiyn 1 qyrküiek nemese 25 mamyr qarsaŋynda qoǧamda «Mūǧalımge gül syilauǧa bola ma jäne būl zaŋ būzuşylyq bolyp sanalmai ma?» degen sūraq tuyndaidy. Bızdıŋ ūstanymymyz - iä, bolady. Būl jaqsy dästür ǧoi», - dedı ol.Respublikanyŋ barlyq jalpy bılım beretın mektebınde soŋǧy qoŋyrau merekesın bır mezgılde ötkızu josparlanyp otyr. Oǧan mekteptıŋ pedagogikalyq ūjymy, tülekter jäne olardyŋ ata-analary, pedagogikalyq eŋbek ardagerlerı, qamqorşylyq keŋes müşelerı, demeuşı ūiymdardyŋ, Bılım jäne ǧylym ministrlıgı men oblystardyŋ, Nūr-Sūltan, Almaty, Şymkent qalalary bılım basqarmalarynyŋ ökılderı, bılım bölımderı, müddelı memlekettık organdar jäne t.b. qatysa alady. Mektep bıtıru keşın bılım beru ūiymy özı ūiymdastyryp, ötkızuı kerek. Rūqsat etılmeidı:
– animatorlardy, merekelık agenttıkterdı, ärtısterdı, merekelık ıs-şaralardy ötkızu üşın aqyly jeke studiialardy tartuǧa; - merekelık dastarhandar jaiuǧa; – jalǧa berıletın avtokölıkterdı tarta otyryp, qala (audan) boiynşa ekskursiialar ötkızuge; – mektep äkımşılıgı men mūǧalımderge syilyqtar alu üşın qarajat jinauǧa; - oiyn-sauyq mekemelerınde bıtıru keşterın ūiymdastyruǧa.Qazaqstannyŋ barlyq mektebınde «Soŋǧy qoŋyrau» merekesı 2022 jylǧy 25 mamyrda ötetının eske sala keteiık. Al attestatty saltanatty türde tapsyru räsımı 2022 jylǧy 16-17 mausymda ötedı.
