Áleýmettik jelilerde Qasym-Jomart Toqaev óziniń jetistikke jetý qupııasymen bólisip, krıptovalıýtamen qomaqty qarjy tabýǵa múmkindik beretin Immediate Edge baǵdarlamasy týraly aıtqan suhbaty taralýda. Munyń bári feık jáne alaıaqtyq, dep habarlaıdy «Adyrna» tilshisi stopfake.kz-ke silteme jasap.
Shyndyǵynda, ol mundaı suhbat bermegen. Mátindi de, «jetistikke jetý qupııalaryn» da alaıaqtar jazǵan. Dál osyndaı oqıǵa 2020 jyly Avstralııada taraǵan bolatyn, biraq ol kezde áıgili avstralııalyq kásipker Dık Smıt pen jazýshy Valıd Alıden suhbat bergen.
Osydan keıin avstralııalyq BAQ bul – alaıaqtardyń isi dep habarlady. Ókinishke oraı, ol kezde eldiń keıbir turǵyndary óz jınaqtarynan aıyrylyp qalǵan bolatyn.
2021 jyly Immediate Edge Ulybrıtanııada jarnamalyq naýqandy belsendi júrgize bastady. Belgili bir servıster men ónimderge qatysty klıentterdiń pikirlerine arnalǵan Trustpilot.com portalynda el turǵyndary Immediate Edge – alaıaqtar dep jazdy. Paıdalanýshylardyń biri tipti olardyń jumysy men shemasyn egjeı-tegjeıli sıpattaǵan. Onyń aıtýynsha, az da bolsa, qyzyǵýshylyq tanytqan klıentterge ár túrli «menedjerler» udaıy qońyraý shalyp otyrady jáne saýda-sattyqqa qatysý jáne qomaqty qarjy tabý úshin 250 fýnt sterlıng tóleýdi usynady. Al tólem jasalǵannan keıin, saýda-sattyqqa qatysýǵa ruqsat berilmegeni jáne «tapqan» aqshany alý múmkin emestigi anyqtalady.
Broker bolyp tabylatyn onlaın-alaıaqtardy áshkereleýmen aınalysatyn ScamCryptoRobots.com portaly da Immediate Edge – alaıaqtyq dep jazdy.
Demek, Qaznette taraǵan Qasym-Jomart Toqaevtyń Immediate Edge júıesi arqyly aqsha tabýǵa shaqyrǵan suhbaty – feık.
