Jambyl oblysynda bır mekteptıŋ ekı balasyn joǧary synyp oquşysy jynystyq qatynasqa mäjbürlegen. Jäbırlenuşı ata-analar ersı jaǧdaidy aitpasqa bolmady deidı. Öitkenı jergılıktı bilık şara qoldanudyŋ ornyna köz jūma qarauǧa köndırıp älek. Endı ata-analar zäbır kördı degen balalaryn mektepke jıberuge üzıldı-kesıldı qarsy bolyp otyr, dep habarlaidy 31-arnanyŋ "İnformbiuro" baǧdarlamasy.
Qorlyq kördı degen jetkınşektıŋ bırı bırınşı, ekınşısı üşınşı synyptyŋ oqidy eken. Oquşylardyŋ bırınıŋ äkesı balanyŋ boiyndaǧy özgerıstı soŋǧy kezde ülken däretın jıberıp qoiatyn jaǧdaiǧa jetken kezde baiqaǧanyn aitady.
“Ülken däret jıberetın jaǧynan özım zaqym keldı dep oilap tūrmyn. Öitkenı balam özgerıp ketken. Qazır barlyq sözın aitqannan keiın uje ūialmaidy. Boiyna jıberse, men jıberdım dep aitatyn boldy”, – deidı jäbırlenuşınıŋ äkesı.
Äuel basta sekemıne senbegen äkesı söz suyrtpaqtap körgen. Sözınşe, keiın balasy bolǧan jaidy, oqiǧa ornyn täppıştep aityp bergen. Auyl ışındegı eskı qora men ırge tastyŋ ışınde būl jaǧdai byltyrdan berı tūraqty jalǧasyp kelgen deidı. Ūlynyŋ sözınen jäbır körgen jalǧyz özınıŋ balasy emes ekenın ūqqanyn aitady. Oquşy özınen ekı jas ülken taǧy bır auyldasyn aityp qalypty. Azamattyŋ aituynşa, üşınşı synypta oqityn ol oquşy da būl jaǧdaidy sol qalpynda rastapty.
“Bızde kafe bar ǧoi būzylǧan. Sol jaqqa aparyp tiısedı eken. Jynys müşesın körsetedı eken. Bız negızınde eşkımge jala jauyp otyrǧan joqpyz. Ne mektepke, ne ata-anasyna, ne balaǧa. Tek bıleiık aq-qarasyn. Balanyŋ qūqyǧyn qorǧasyn”, – dedı jäbırlenuşınıŋ anasy.Aşuly ata-analar jergılıktı bilık bolǧan jaitty basqa arnaǧa būryp älek ekenın aitady. Yŋ-şyŋsyz, u-şusyz şeşımıne de köngen. Tek zäbır körsetken oquşymen bır mektepte oquǧa tübegeilı qarsylyqtaryn bıldırıptı. Bıraq būl talabyn elemei, jaisyz jaidy jaba saluǧa jantalasyp jatyr deidı.
“Talabym: auylda bala köz aldymda jürmese eken deimın. Ol köşıp ketu mäselesı. Öitkenı balalar bır-bırın körmese eken deimın”, – dep qosty jäbırlenuşınıŋ äkesı.“Medisinalyq saraptamalar sol kezde jasalyndy. Qazırgı taŋda zerdeleu jūmystary jürgızılıp jatyr. Soŋyna deiın älı zerdelenedı. Qazırgı taŋda naqty dälel, aqparat joq”, – dep mälımdedı "Aqşolaq" orta mektebınıŋ direktory Nūraly Seidahmet. Qazır osy ıske qatysty ışkı ıster bölımıne şaǧym tüsken. Bıraq saraptama rastalmai ıs qozǧauǧa älı erte deidı.
“Baizaq audanynyŋ polisiia bölımımen tekseru jūmystary bastaldy. Kämeletke tolmaǧan 6 jäne 8 jastaǧy balalar audandyq ortalyq auruhanaǧa jetkızılıp, olardy tekseru barysynda jaraqat belgılerı anyqtalmaǧan. Alaida olardyŋ ata-analarynan aryz alynyp, tırkeldı. Qazırgı uaqytta 10 jasar 5-synyp oquşysyna qatysty tekseru amaldary jürgızılude, qosymşa audan äkımdıgı janyndaǧy kämeletke tolmaǧandar komissiiasynda qaralatyn bolady”, – dedı Jambyl oblysy polisiia departamentınıŋ ökılı Qūndyz Bögenbaeva.Erınbegennıŋ bärı esık qaǧyp auyz aşpauǧa köndırude degen ekı jetkınşektıŋ ata-anasy ıstıŋ aq-qarasy aşylatynyna küdıgı bar. Sondyqtan saraptamany Almatyǧa baryp anyqtauǧa qūlyqty.
